Գորիսի մամուլի ակումբը սկսում է «Ասե՞մ, թե՞ չասեմ» նոր նախագիծը, որի շրջանակներում փոդքաստերի /աուդիոպատմություն/ միջոցով կանդրադառնանք Սյունիքի մարզի կարևոր խնդիրների բազմակողմանի, ճշգրիտ ներկայացմանը։ Նախագծի իրականացման և մեդիա արտադրանքի համար փնտրում ենք երիտասարդների Սյունիքի մարզից, ովքեր պատրաստ են համատեղ աշխատելու և մեդիա նյութեր պատրաստելու։ Ստեղծված մեդիա նյութերի համար երիտասարդները կստանան հոնորար։
Մինչև փոդքաստերի արտադրությունը, ձևավորված թիմի համար կկազմակերպվեն «Փաստերի ստուգումը՝ մեդիա արտադրանքի կարևոր նախապայման», «Փոդքասթը որպես մեդիա գործիք» թեմաներով եռօրյա դասընթացներ։ Տեղեկանալով աուդիո սթորիթելինգի առանձնահատկություններին՝ թիմը կկարողանա այլընտրանքային բովանդակություն ստեղծել։
Բոլոր հետաքրքրվողներին առաջարկում ենք լրացնել առցանց հայտը։
Դիմելու վերջնաժամկետը նոյեմբերի 30-ն է։
Հարցերի դեպքում դիմել ծրագրի ղեկավար Անահիտ Բաղդասարյանին՝ զանգահարելով +37498990731 հեռախոսահամարով կամ գրել [email protected] էլեկտրոնային հասցեին։
«Ասե՞մ, թե չասեմ» ծրագիրն իրականացնում է Գորիսի մամուլի ակումբը Freedom House հասարակական կազմակերպության ֆինանսավորմամբ։