Սյունիքի մարզի թիվ 34 տարածքային ընտրական հանձնաժողովը քիչ առաջ ավարտեց հերթական նիստը, որի ընթացքում որոշում կայացվեց Գորիս համայնքի ավագանու 2021 թվականի հոկտեմբերի 17-ի ընտրություններին առաջադրված Հայաստանի կոմունիստական կուսակցության ընտրական ցուցակի գրանցումը մերժելու մասին։
Մերժումը հիմնավորվել է այն փաստով, որ ուսումնասիրելով ներկայացված ընտրական ցուցակը, հանձնաժողովը պարզել է, որ կուսակցության ընտրական ցուցակը չի բավարարում «ՀՀ ընտրական օրենսգիրք» ՀՀ սահմանադրական օրենքի 130-րդ հոդվածի 2-րդ մասի վեցերորդ պարբերության սահմանված պահանջը․ ըստ որի բազմաբնակավայր համայնքի ընտրությունների մասնակցող կուսակցության (դաշինքի) ընտրական ցուցակում պետք է ընդգրկվեն տվյալ համայնքը կազմող բնակավայրերի առնվազն կեսը ներկայացնող (տվյալ բնակավայրում մինչև քվեարության օրն առնվազն վեց ամսվա հաշվառում ունեցող, իսկ քաղաքիություն չունեցող թեկնածուների դեպքում առնվազն մեկ տարվա հաշվառում ունեցող) թեկնածուներ, բացառությամբ երեքից պակաս բնակավայրերից կազմված համայնքների։
Հիմք ընդունելով վերոնշյալ իրավակարգավորումները հանձնաժողովը մերժել է կուսակցության ընտրական ցուցակի գրանցումը։
Հիշեցնենք, որ սույն որոշումը կարող է բողոքարկվել ՀՀ վարչական դատարանում օրացույցային երեք օրվա ընթացքում։
Սեփ․ լրատվություն
