«Գորիսի մամուլի ակումբ» ՀԿ-ն «Տեղական ինքնակառավարում՝ հանուն Գորիս համայնքի զարգացման» ծրագրի շրջանակում կազմակերպում է հանրային հաղորդակցության եռափուլ դասընթաց Գորիս խոշորացված համայնքի պետական և տեղական ինքնակառավարման կառույցների, կրթական հաստատությունների և հասարակական կազմակերպությունների հանրային կապերի մասնագետների համար։
Դասընթացի նպատակն է բարձրացնել մասնակիցների կարողությունները համայնքի բնակիչների հետ հաղորդակցման գործում։
Դասընթացավար՝ Սուրեն Դեհերյան
Դիմելու վերջնաժամկետը ս․թ․ փետրվարի 5-ն է։ Դիմելու համար անցեք հղումով։
Դասընթացի մասնակիցները տեսական գիտելիքների և գործնական աշխատանքների միջոցով կուսումնասիրեն հանրության/լսարանի հետ հաղորդակցվելու երկու հիմնական եղանակ․
-թվային տեխնոլոգիաների կիրառմամբ տեղեկատվական գործունեության վարում՝ պաշտոնական կայքերի, սոցիալական ցանցերի, sms հաղորդագրությունների միջոցով՝ հիմնված պետության կամ սեփական հաղորդակցության ռազմավարության վրա,
-լրատվամիջոցների և լրագրողների հետ համագործակցության միջոցով լսարանի հետ հաղորդակցում՝ ավանդական լուրերի և մամուլի հաղորդագրությունների տրամադրման միջոցով։
Տեխնիկական մանրամասներ
– Դասընթացի ընդհանուր տևողությունը՝ վեց օր՝ բաշխված չորս շաբաթների միջև։
– Մակարդակներից երկուսը բաղկացած են երկօրյա դասընթացներից՝ օրական մինչև վեց ժամ տևողությամբ, իսկ մեկ մակարդակը բաղկացած է մեկ կամ երկու վեբինարներից։
– Դասընթացները հիմնված են հիմնականում գործնական աշխատանքների վրա։
Կլինեն նաև տեսական հատվածներ, ինչպես նաև ինտերակտիվ քննարկումներ։
Ծրագրի երեք մակարդակներն անցած մասնակիցներն ունակ կլինեն՝
– Արդյունավետ աշխատել լսարանի հետ՝ մատուցելով տեղեկատվությունը մատչելի և գրավիչ,
– Պատրաստել և տարածել մամլո հաղորդագրություններ,
– Գրագետ օտագործել տեղեկատվական խողովակները,
– Զերծ մնալ տարընթերցման տեղիք տվող տեղեկությունների մատուցումից,
– Համեմատել և տարբերակել կեղծ և հուսալի տեղեկատվությունը,
– Կիրառել վիզուալ նյութեր։
Հարցերի դեպքում կարող եք զանգահարել+37498 990797 հեռախոսահամարով կամ գրել info@gorispressclub.am էլ․ հասցեին։
***
Սույն դասընթացը կազմակերպվում է «Գորիսի մամուլի ակումբ» ՀԿ-ի (ԳՄԱ) կողﬕց՝ Եվրասիա համագործակցություն հիﬓադրաﬕ (ԵՀՀ) հետ համատեղ, Աﬔրիկայի ժողովրդի աջակցությամբ` ԱՄՆ Միջազգային զարգացման գործակալության ﬕջոցով:
Նյութի բովանդակությունը ﬕﬕայն «Գորիսի մամուլի ակումբ» ՀԿ-ինն է և պարտադիր չէ, որ արտահայտի ԱՄՆ ՄԶԳ կամ ԱՄՆ կառավարության տեսակետները:
