Գորիս համայնքում կայացել է համայնքային քննարկում-աշխատաժողով

Օգոստոսի 9-ին, Գորիսում կայացած համայնքային քննարկումը նվիրված էր՝ «Համայնքների մոբիլիզացման և կարողությունների զարգացման» ծրագրին, որով՝   Սյունիքի մարզի Գորիս համայնքի՝  Շուռնուխ, Ներքին Խնձորեսկ, Քարահունջ, Որոտան, Ակներ բնակավայրերին  և Տեղ համայնքի , Խոզնավար, Խնածախ, Վաղատուր, Արավուս, Կոռնիձոր, բնակավայրերի համայքներին տրամադրվել է էլեկտրական հովիվներ և Տեղի, Վաղատուրի, Խնածախի, Գորիսի, Քարահունջի ու Խնձորեսկի համայնքային շենքերում տեղադրվելու է 10-ական կՎտ հզորությամբ արևային կայաններ։ Ինչպես նաև՝ Գորիս համայնքի 4 ՀԿ-ներ ստացել են դրամաշնորհ՝  ընդանուր բյուջեով շուրջ 150,000 եվրո  և ըստ կարիքների ու ծրագրային նպատակների աջակցություն է տրամադրվել համայնքապետարաներին։

Շուրջ 60 կՎտ-ական ընդ․ հզորությամբ կայանների շնորհիվ Գորիս և Տեղ համայնքներում կխնայվի զգալի գումար, որի տնօրինումը ծրագրով վերապահված է՝ հասարակական կազմակերպություններին ու համայնքային ակտիվ երիտասարդների։ Այսինքն նրանք են որոշելու այդ գումարի նպատակային օգտագործման ուղղությունները։

Քննարկմանը, Corner Business Platform-ի փորձագետ՝ Հրայր Մկրտչյանը նշեց, որ ծրագրային այս մոտեցումը նպատակ ունի ոչ միայն տարբեր նախաձեռնությունների համար համայնքային բյուջե ձևավորել, այլ՝ երիտասարդներին տալ ռեսուրսների ռացիոնալ օգտագործման մտածողություն։  Ի դեպ, քննարկումը  ակտիվ էր․ մասնակիցները  խնայված միջոցների օգտագործումն ուղղեցին՝   երիտասարադական կյանքի ակտիվությունից մինչև համայնքային զարգացմանը։

Քննարկմանը մասնակցում էին ինչպես ՀԿ ներկայացուցիչներ, այնպես էլ ՏԻՄ աշխատակազմ և երիտասարդներ։

Հիշեցնենք նաև, որ ամիսներ առաջ Corner Business Platform-ն անցկացրել էր դասընթաց՝ «Արոտների կայուն կառավարմանն ու վերականգնվող էներգիայի» թեմայով, որին շուրջ 70 ֆերմերային տնտեսություն է մասնակցել, վերոնշյալ  բնակավայրերից։

Corner Business Platform -ի համայնքային կարողությունների զարգացման այս ծրագիրն իրականացվում է՝ «ԵՄ-ն հանուն երկխոսության. աջակցություն Հարավային Կովկասում և Մոլդովայի Հանրապետությունում (Բաղադրիչ 2) հակամարտությունների փոխակերպմանը» ծրագրով, որը ֆինանսավորվում է Եվրոպական Միության և ՄԱԿ-ի Զարգացման ծրագրի կողմից:

Մանե Կարապետյան

AKlfjdalksjfdlkj askljfaskdlfj wqelkfj aaskldfj lqkewjf lkjads fqlekwfj