«ԳորիսԼԱԲ»-ը հրավիրում է համագործակցության փորձառու մասնագետի՝ մշակելու մեդիա մշտադիտարկման մեթոդաբանություն և կազմելու վերլուծական զեկույց։
Մշտադիտարկման նպատակն է բացահայտել և վերլուծել Սյունիքի շուրջ ձևավորվող ապատեղեկատվական և մանիպուլյատիվ նարատիվները՝ հասկանալու, թե ինչ մեխանիզմներով են քաղաքական ուժերն օգտագործում Սյունիքի թեման իրենց քաղաքական օրակարգն առաջ մղելու համար։
ԱՇԽԱՏԱՆՔԻ ՆԿԱՐԱԳՐՈՒԹՅՈՒՆ ԵՎ ՊԱՐՏԱԿԱՆՈՒԹՅՈՒՆՆԵՐ
Ներգրավված փորձագետը պատասխանատու է հետազոտության գործընթացի կազմակերպման համար։ Նրա հիմնական գործառույթներն են․
- Մշակել մշտադիտարկման մեթոդաբանությունը՝ հստակ սահմանելով նպատակները, գործիքները և նմուշառման մոտեցումները։
- Աջակցել մշտադիտարկում իրականացնող թիմին։
- Իրականացնել հավաքագրված նյութի բովանդակային վերլուծություն։
- Ամփոփել արդյունքները, ձևակերպել եզրակացություններն ու առաջարկությունները։
- Համակարգել զեկույցի բովանդակային կառուցվածքը՝ ապահովելով դրա լեզվական և փաստական ճշգրտությունը։
- Մասնակցել խմբագրական աշխատանքներին և սահմանված ժամկետներում ներկայացնել զեկույցի վերջնական տարբերակը։
- Աջակցել արդյունքների հանրայնացմանը։
ՊԱՀԱՆՋՆԵՐ
- Փորձ մշտադիտարկման, բովանդակայինվերլուծության և հետազոտական մեթոդաբանությունների մշակման ոլորտում։
- Հիմնավոր գիտելիքներ Հայաստանի ներքաղաքական իրավիճակի, մեդիա դաշտի և հատկապես Սյունիքի թեմատիկայի վերաբերյալ։
- Վերլուծական զեկույցների պատրաստման և գիտական եզրակացությունների ձևակերպման փորձ։
- Անկողմնակալություն, օբյեկտիվություն, էթիկական և իրավական սկզբունքների պահպանում։
Հայտերի ընդունման վերջնաժամկետ ս․թ․դեկտեմբերի 30-ն է։
ԴԻՄԵԼՈՒ ԿԱՐԳԸ
Հետաքրքրված անձինք կարող են ուղարկել իրենց ինքնակենսագրականը (CV), նախնական հակիրճ նկարագրություն, թե ինչպես են պատկերացնում մշտադիտարկման մեթոդաբանությունը և գնային առաջարկ info@gorislab.am էլ․ հասցեին։
Խնդրում ենք նամակի թեմա դաշտում (Subject) նշել՝ «Փորձագետ– Ձեր Անուն Ազգանուն»:
Հարցերի դեպքում կարող եք զանգահարել +37477980731 հեռախոսահամարին։
