Շարունակվում է 2026 թվականի հունիսի 7-ին կայանալիք խորհրդարանական ընտրությունների քարոզարշավը։ Իր նախընտրական ծրագիրն էր ներկայացրել «Ժողովրդավարական համախմբում» կուսակցությունը, որի առաջնահերթ ուղղություններն են՝ կրթական, առողջապահական, ռազմական բարեփոխումները։ Հանրային քաղաքականության արդիականացման շրջանակներում կրթության, գիտության, համագործակցության և գործընկերության գերակայություններով առաջնորդվելը և քաղաքական մասնակցության ինստիտուցիոնալացումը։
Ծրագրային կետերում առաջնային է համարվում պետական անվտանգային համակարգում շարունակական բարեփոխումները, անվտանգային երաշխիքների սահմանումը։ Տնտեսական և սոցիալական համաչափ զարգացման խթանում՝ կենտրոնի և ծայրամասերի միջև համապարփակ փոխհամագործակցության, ինչպես նաև քաղաքացիական ներգրավվածության ու սոցիալական համերաշխության վրա հիմնված սոցիալական կապիտալի ձևավորման միջոցով։
Անդրադարձ է կատարվել Սյունիքի անվտանգության երաշխիքների սահմանմանը: Նշվեց, որ կուսակցության ծրագրի գլխավոր դրույթ է համարվում «ազգ-բանակ» հայեցակարգի շարունակական արդիականացում և կիրառում, որը երաշխիք է սահմանային անվտանգության համար։
