ԳորիսԼԱԲ-ում քննարկվել են Սյունիքի տեղական զարգացման առաջնահերթությունները

 

1 of 9

- +

1.

2.

3.

4.

5.

6.

7.

8.

9.

Քննարկմանը մասնակցել են Հայաստանում Եվրոպական միության պատվիրակության ղեկավար, դեսպան Վասիլիս Մարագոսը, Եվրամիության անդամ մի շարք երկրների դեսպաններ և ներկայացուցիչներ, ԳորիսԼԱԲ ՀԿ թիմը, ինչպես նաև քաղաքացիական հասարակության, կրթության, սոցիալական, բիզնես և երիտասարդական ոլորտների ներկայացուցիչներ։

Հանդիպման ընթացքում ներկայացվեց «ԳորիսԼԱԲ համայնքային զարգացման կենտրոն» ՀԿ-ի վերջին երեք տարիների գործունեությունը՝ համայնքային զարգացման, մեդիայի, երիտասարդական մասնակցության, քաղաքացիական ներգրավվածության և տեղական կարողությունների զարգացման ուղղություններով։

Քննարկման առանցքում էին Գորիս համայնքի և Սյունիքի մարզի զարգացման հիմնական մարտահրավերները, ԵՄ աջակցությամբ իրականացվող ծրագրերի ազդեցությունը տեղական մակարդակում, ինչպես նաև Սյունիքի վերաբերյալ մեդիա նարատիվների ձևավորումն ու դրանց ազդեցությունը հանրային ընկալումների վրա։

Մասնակիցները բարձրաձայնեցին ոլորտային մի շարք խնդիրներ՝ կապված բիզնեսի զարգացման, կրթության, սոցիալական աջակցության, զբաղվածության, հաշմանդամություն ունեցող երեխաների և նրանց ընտանիքների կարիքների, երիտասարդական նախաձեռնությունների կայունության, ինչպես նաև գյուղական համայնքների ու դպրոցների մարտահրավերների հետ։ Քննարկումը դարձավ փորձի փոխանակման, տեղական խնդիրների հստակեցման և հետագա համագործակցության հնարավոր ուղղությունների նախանշման կարևոր հարթակ։

ԳորիսԼԱԲ-ը շարունակում է նպաստել համայնքային երկխոսությանը, տեղական ձայների լսելիությանը և Սյունիքի զարգացման օրակարգի ձևավորմանը։