Հայաստանի տարածքային զարգացման հիմնադրամի աջակցությամբ առաջիկայում կմեկնարկեն Գորիս քաղաքի կենտրոնական մասում գտնվող 1918-1920թթ կառուցված թվով 36 շենքերի տանիքների, պատշգամբերի և ճակատների վերանորոգման աշխատանքները։ Արդեն իսկ պատրաստ են նախագծա-նախահաշվային փաստաղթերը, ամփոփվել են շինարարությունն իրականացնող կազմակերպությունների համար մրցույթի արդյունքները, և մոտակա օրերին կսկսվի շինարարությունը։
Ակնկալվում է, որ շինարարության ավարտին հին ոճով, բայց «նորացած» տեսքով Գուսան Աշոտի, Կոմիտասի, Օրբելյանների, Մաշտոցի, Անկախության, Մակիչի փողոցներում գտնվող մի շարք շենքեր զբոսաշրջության ոլորտի զարգացման համար նոր խթան կհանդիսանան։
Լուսանկարում՝ այժմ և վերակառուցումից հետո
Սեփ. լրատվություն