Բելլա Պետրոսյան
Արցախյան վերջին՝ 44-օրյա պատերազմից հետո, ծանր իրադրության մեջ են հայտնվել նաև Հայաստանի սահմանամերձ մի շարք բնակավայրեր հատկապես Սյունիքի մարզում։ Անորոշ է Իրան տանող միջպետական ճանապարհի Գորիս-Կապան մի քանի կիլոմետրանոց հատվածի ճակատագիրը։ Հատվածներից մեկը Որոտան բնակավայրի մոտով է անցնում։ Այս հատվածում էլ սահմանը, ինչպես Սյունիքի մյուս գյուղերում, առայժմ հսկում են տեղի տղամարդիկ։
Գորիս-Որոտան-Կապան ճանապարհի աջակողմյան հատվածում, մինչև Որոտան գյուղ հասնելը, գտնվում է Քաշաթաղի (Կուբաթլուի) շրջանի Էյվազլար կոչվող, նախկինում՝ ԽՍՀՄ տարիներին ադրբեջանիցիներով բնակեցված բնակավայրը։ Ճանպարհի մի քանի կիլոմետրանոց հատվածն անցնում է վերջին պատերազմից հետո Ադրբեջանին հանձնված տարածքով։
Թեև ճանապարհը դեռ գործում է, բայց տարածքները զիջելուց հետո միջպետական նշանակության ճանապարհի հետագա շահագործումը կասկածի տակ է դրվում, հարակից գյուղներն էլ՝ շրջափակման մեջ ընկնելու վտանգի առջև կանգնում։
Ավելի մանրամասն՝ այստեղ
