Mediapoint.am
  • Համայնք
    • Գորիս
    • Կապան
    • Սիսիան
    • Տեղ
    • Տաթև
    • Մեղրի
    • Քաջարան
  • Տնտեսություն
  • Հասարակություն
  • Իրազեկում
  • Հնարավորություններ
    • Հայտարարություններ
    • Թափուր աշխատատեղեր
    • Դասընթացներ
  • Մեր մասին
    • Աշխատակազմ

Օրացույց

Loading...
«Նոյեմբեր 2026»
Mon Tue Wed Thu Fri Sat Sun
 1
2345678
9101112131415
16171819202122
23242526272829
30  
« ՀոկտեմբերԴեկտեմբեր »
No Result
View All Result
Mediapoint

Օրացույց

Loading...
«Նոյեմբեր 2026»
Mon Tue Wed Thu Fri Sat Sun
 1
2345678
9101112131415
16171819202122
23242526272829
30  
« ՀոկտեմբերԴեկտեմբեր »
No Result
View All Result
Գլխավոր Uncategorized

Քութեշը սեզոնային հիվանդություն է,-ասում է վարակաբանը

by Քրիստինե Հայրապետյան
Մայիս 7, 2024
0

Վերջին ամիսներին Գորիսում քութեշի հիվանդացության որոշակի ակտիվություն էր նկատվում, և հիմնականում դեպքերն արձանագրվել են երեխաների շրջանում, քանի որ թիրախային խումբը մանկահասակ երեխաներն են․ բարձր հիվանդացություն գրանցվում է 2-10 տարեկանների մոտ։

Գորիս ԲԿ-ի մանկական վարակաբան Մարիամ Հակոբյանի խոսքով՝ ընդհանուր առմամբ, քութեշի բռնկման վտանգ չկա։ Ըստ նրա՝ հիվանդությունն արտահայտվում է նշաբորբով, ջերմության բարձրացմամբ, ինտոքսիկացիայով և մանր կետավոր ցանով։ Վարակը տարածվում է օդակաթիլային ճանապարհով, բայց երեխաների դեպքում չի բացառվում նաև կոնտակտային ճանապարհը։

Մանկական վարակաբանը նշում է, որ ցանավորումը լինում է հիմնականում հիվանդության երկրորդ–երրորդ օրը, որը  բնորոշ տեղակայումներ ունի, բերանի, որովայնի, աճուկային և մյուս ծալքերի շրջանում, և առատ է լինում հատկապես այդ հատվածներում։ Հիվանդությունը մեծերի շրջանում որպես անգինա  է դիտվում, բայց ոչ որպես քութեշ։

«Նմանատիպ գանգատների դեպքում, պետք է դիմել տեղամասային մանկաբույժին, հետո նաև համապատասխան մասնագետին, կատարվի ախտորոշում, որից հետո էլ  կստանան համապատասխան բուժում։ Քութեշն այն վարակներից է, որ պարտադիր պետք է բուժել հակաբիոտիկով, որպեսզի հետագայում բարդություններ չլինեն, որովհետև առաջացնում է սրտի, երիկամների, հոդերի ախտահարում։ Կանխարգելում չունենք, նոր պատվաստումներ քութեշի դեմ չկան և իմունիտետը, ամեն տարի նոր վարակի դեպքում տիպոսպեցիֆիկ է, այսինքն կայուն չի, մինչև կյանքի վերջ իմունիտետ չի ձևավորվում, այսինքն նույն երեխան կարող է մի քանի անգամ վարակվել քութեշով»,–ասում է վարակաբան Մարիամ Հակոբյանը։

Մասնագետի խոսքով, եթե երեխան վարակվել է քութեշով, ապա պետք է սահմնափակվի նրա հետ շփումը և մինչ ախտորոշումն ու հաստատվելը՝ չպետք է դպրոց ու մանկապարտեզ հաճախի։ Գաղտնի շրջանը 2-7 օր է, կախված, հարուցիչի քանակից։

«Մեզ մոտ ոչ բոլոր դեպքերն են հասնում, տեղամասային մանկաբույժի կողմից են բուժվում թեթև դեպքերը․ ծանր դեպքեր չեն արձանագրվել, բավականին շուտ են դիմել, և բարդություններ չենք ունեցել»,–նշում է մանկական վարակաբանը։

Հիվանդությունների վերահսկման և կանխարգելման ազգային կենտրոնի Սյունիքի մասնաճյուղի փոխտնօրեն Լենա Մալինցյանի խոսքով՝ տարեսկզբից մինչ օրս 25 դեպք է արձանագրվել Գորիսի տարածաշրջանում, ապրիլին 10 դեպք, որից մեկը՝ 21 տարեկանի, մնացածը՝ 3-10 տարեկան երեխաների մոտ՝ տարբեր մանկապարտեզներ և դպրոցներ հաճախող։

Վարակաբանները նշում են, որ մտահոգվելու առիթ չկա, քանի որ քութեշը սեզոնային հիվանդություն է և նվազում կնկատվի հատկապես ապրիլ–մայիս ամիսներին։

Քրիստինե Հայրապետյան
ShareTweetShare
  • Recent News

    28 բնակավայր՝ մեկ համայնքում. Գորիսի նոր առաջնահերթությունները

    28 բնակավայր՝ մեկ համայնքում. Գորիսի նոր առաջնահերթությունները

    Նոյեմբեր 12, 2026
    Գորիսում ընդլայնվում են տարեցների համար նախատեսված սոցիալական ծառայությունները

    Գորիսում ընդլայնվում են տարեցների համար նախատեսված սոցիալական ծառայությունները

    Նոյեմբեր 11, 2026
  • Mediapoint

    Բաժիններ

    • Կապ
    • Մեր մասին
    • Խմբագրական քաղաքականություն
    • Էթիկայի Վարքականոններ
    • Հայտարարություններ

    Հետևեք մեզ

    Banner Banner
    © 2025 Mediapoint | All rights reserved.

    No Result
    View All Result
    • Համայնք
      • Գորիս
      • Կապան
      • Սիսիան
      • Տեղ
      • Տաթև
      • Մեղրի
      • Քաջարան
    • Տնտեսություն
    • Հասարակություն
    • Իրազեկում
    • Հնարավորություններ
      • Հայտարարություններ
      • Թափուր աշխատատեղեր
      • Դասընթացներ
    • Մեր մասին
      • Աշխատակազմ

    Banner Banner
    © 2025 Mediapoint | All rights reserved.