Գորիսի պետական դրամատիկական թատրոնը հիմնադրվել է 1936 թվականին։ 1944 թվականի ապրիլի 20-ին այն անվանակոչվել է հայ մեծանուն դերասան Վաղարշ Վաղարշյանի անունով, որը մշտական կապ է պահպանել թատրոնի հետ։ Այդ տարիներին և հետագայում, Վաղարշ Վաղարշյանի օրինակով, հայ բեմի նշանավոր վարպետներ Վահրամ Փափազյանը, Հրաչյա Ներսիսյանը, Ավետ Ավետիսյանը, Գուրգեն Ջանիբեկյանը և Դավիթ Մալյանը պարբերաբար հանդես են եկել Գորիսի բեմում՝ իրենց արվեստը ներկայացնելով տեղի հանդիսատեսին։
1961 թվականին թատրոնը դադարեցրել է գործունեությունը, իսկ 1985 թվականին վերաբացվել է։ Տարբեր տարիներին թատրոնի ստեղծագործական կազմը համալրվել է ինչպես ճանաչված արվեստագետներով, այնպես էլ Երևանից ժամանած երիտասարդ մասնագետներով։ 2004 թվականին, ԽՍՀՄ և ՀՀ ժողովրդական արտիստ Սոս Սարգսյանի միջնորդությամբ, Գորիսում բացվել է Երևանի թատրոնի և կինոյի պետական ինստիտուտի մասնաճյուղը։ Այն կարևոր դեր է ունեցել թատրոնը տեղացի մասնագետներով համալրելու գործում։
Այսօր Գորիսի պետական դրամատիկական թատրոնի ստեղծագործական կազմի գերակշիռ մասը տեղացիներ են։ Թատրոնի խաղացանկը շարունակաբար համալրվում է նոր ներկայացումներով՝ պահպանելով քաղաքի մշակութային կյանքում իր կարևոր դերակատարությունը։
Թատրոնի հիմնադրման 90-ամյակի առթիվ հանդիպել և զրուցել ենք ստեղծագործական թիմի անդամների հետ։
