Սյունիքի մարզի Կապան համայնքի 2019թ․ ավագանու 127 որոշումներից 6-ը վերաբերում էր համայնքային սեփականություն հանդիսացող հողամասերի աճուրդով, իսկ 9-ը՝ գույքի հրապարակային սակարկություններով օտարմանը։
Ըստ Կապանի համայնքապետարանի կողմից www.mediapoint.am–ին տրամադրված 2019թ. տեղի ունեցած աճուրդների ամփոփ արձանագրությունների, աճուրդի է հանվել 11 հողակտոր կամ շուրջ 2,800 քմ մակերեսով տարածք։
Եթե այլ համայնքներում աճուրդի յուրաքանչյուր լոտի մասնակցում էր 2-ական մասնակից, ինչն ամրագրված է աճուրդների անցկացման կանոնակարգով, ապա Կապանում պատկերն այլ է․ 11 աճուրդից միայն երկուսի դեպքում է2-ական մասնակից գրանցվել, մյուս դեպքերում՝ 3 կամ 4։ Լոտի մասնակիցներից յուրաքանչյուրը մեկ քայլ է կատարել ներկայացված հողակտորի մեկնարկային գնի 5% չափով։
Աճուրդի դրված հողամասերը
Նույն եղանակով հրապարակային սակարկությունով օտարվել է, օրինակ, Կապան համայնքի Անտառաշատ բնակավայրում գտնվող 118.5 քառ.մմակերեսովանասնաշենքը 0.01453 հասպասարկմանհողամասով։ Աճուրդի հանված գույքի մեկնարկային գինը 441 հազար էր ևսակարկության արդյունքում օտարվել է 507 hազար 150 դրամով։ Այսինքն, լոտի մասնակցած 3 մասնակիցներից յուրաքանչյուրի կողմից մեկ քայլ է արվել մեկնարկային գնի 5%-ի չափով՝ 22 հազար 50 դրամով։
Աճուրդի դրված գույքը
Աճուրդով օտարված հողակտորները հիմնականում գտնվում են քաղաքի տարածքում։ Արտադրական, բնակելի, հասարակական, խառը կառուցապատման նպատակով օտարումների արդյունքում համայնքային բյուջե է մուտքագրվել 19 մլն 88 հազար 250 դրամ։ Համեմատության համար նշենք, որ Գորիսում նույն ժամանակահատվածում 51 հողակտորների օտարման արդյունքում տեղական բյուջեն համալրվել է 30 միլիոն115 հազար դրամով։
Լրագրող
