Համայնքների Ֆինանսիստների Միավորումը (ՀՖՄ), Եվրասիա համագործակցություն հիմնադրամը (ԵՀՀ) և Տեղեկատվական համակարգերի զարգացման և վերապատրաստման կենտրոնը (ՏՀԶՎԿ) ԱՄՆ ՄԶԳ «Հանրային մասնակցություն տեղական ինքնակառավարմանը» (ՀաՄաՏեղ) ծրագրի շրջանակներում հիմնել են «Տեղական ժողովրդավարության դպրոցը» (ՏԺԴ):
Ի՞նչ է Տեղական Ժողովրդավարության Դպրոցը.
Դպրոցն իրենից ներկայացնում է նոր գիտելիքներով, եռանդուն երիտասարդ կադրեր պատրաստելու համար նախատեսված շարունակական դասընթացների ու միջոցառումների շարք: Դպրոցը կրում է ոչ ստացիոնար բնույթ, այսինքն՝ այն իր դասընթացներն ու գործունեությունը կարող է իրականացնել Հայաստանի տարբեր համայնքներում, ընդ որում միաժամանակ մի քանի վայրում: Այդ դասընթացների միջոցով Հայաստանի համայնքներում, շարունակաբար պատրաստվում են կադրեր, որոնք ապագայում իրենց ուրույն դերակատարությունն են ունենալու համայնքներում ժողովրդավարության հաստատման և զարգացման գործում։
Ո՞րն է ՏԺԴ-ի նպատակը.
Դպրոցի հիմնական նպատակն է պատրաստել ակտիվ և ժողովրդավար երիտասարդ մասնագետներ ՀՀ համայնքներում, ովքեր կունենան անհրաժեշտ գիտելիքներ ու կարողություններ տեղական ինքնակառավարման ոլորտում և հարակից գործառնական ոլորտներում և նշանակալի դեր կկատարեն ՀՀ հանրային կառավարման համակարգում բարեփոխումների իրականացման գործում։
Ի՞նչ են սովորելու ՏԺԴ-ի մասնակիցները.
Մասնակիցները կսովորեն տեղական ինքնակառավարման և ժողովրդավարության հիմնական գաղափարներն ու մոտեցումները, համայնքների զարգացման ծրագրեր մշակելու, իրականացնելու և վերահսկելու գիտելիքներ ու հմտություններ:
Դասընթացներին մասնակցել կարող են 18-ից 35 տարեկան երիտասարդները, որոնք ապրում են Սյունիքի մարզերում։
Դասընթացների ընդհանուր տևողությունը 7 օր է (օրական 2.5 ժամ), որոնք կբաշխվեն 3-4 շաբաթվա ժամանակահատվածում։
Ընտրական փուլը հաղթահարած երիտասարդները մասնակցում են առցանց դասախոսություններին, ստանում են առաջադրանքներ և գրում անհատական աշխատանքներ, իսկ ամեն փուլի վերջում ՏԺԴ առցանց ուսուցման առցանց ուսուցման բաժնում հանձնում են համապատասխան փուլի թեստը, որը ստուգում է ստացված գիտելիքների մակարդակը։
Առցանց դասընթացների բոլոր փուլերը հաջողությամբ անցած մասնակիցները կստանան վկայական, ինչպես նաև հնարավորություն կունենան անհատապես կամ թիմային եղանակով մասնակցել դրամաշնորհային մրցույթին՝ իրենց համայնքներում ծրագրեր իրականացնելու նպատակով:
Դասընթացները կանցկացվեն մոտ 25-30 հոգուց բաղկացած խմբով։
Մրցույթի մասնակցության հայտը կարող եք լրացնել հետևյալ հղումով՝
https://forms.gle/wu5dSNQ1qau7XcYU8
Հայտերի ընդունման վերջնաժամկետը 2021 թվականի ապրիլի 16-ն է։
Դասընթացները կազմակերպվելու և իրականացվելու են Գորիսի մամուլի ակումբ ՀԿ-ի հետ համատեղ
Հարցերի և լրացուցիչ այլ տեղեկությունների համար կարող եք գրել [email protected] էլեկտրոնային հասցեով, մեր գործընկերների ֆեյսբուքյան էջերին, ինչպես նաև ՏԺԴ-ի պաշտոնական ֆեյսբուքյան էջին։
