«Սյունիքում ՏԻՄ ռազմավարության բարելավում` ուղղված ճգնաժամերի կառավարմանն ու հանրային պաշտպանությանը՝» ծրագիրն իր հաստատուն քայլերն է անում։ Հիմնական նպատակն է՝ նպաստել Սյունիքի մարզում բնակչության ապահով, անվտանգ կյանքի համար կենսական նշանակություն ունեցող խնդիրների բացահայտմանն և տեղական իշխանությունների ռազմավարության մեջ դրանց ներգրավվմանը: Ծրագիրը կանդրադառնա պատերազմի և COVID-19 համավարակի հետևանքներին, ինչպես նաև որպես անհրաժեշտություն ի հայտ եկած հանրային պաշտպանության միջոցառումներին:
Ծրագրի շրջանակում ՔՀԿ-ները, ՏԻՄ-երը, փորձագետներն ու հասարակության շահագրգիռ ներկայացուցիչները կաշխատեն համատեղ՝ մշակելու և Սյունիքի մարզի ՏԻՄ-երի օրակարգում ու ծրագրերում հանրային պաշտպանության և ճգնաժամերի կառավարման ռազմավարություններ ներդնելու նպատակով:
Ծրագիրն իրականացվում է «Լրագրողներ հանուն ապագայի» հասարակական կազմակերպության (ԼՀԱ), Գորիսի մամուլի ակումբի (ԳՄԱ) և «Ծիածան» Առաջնորդների Կրթական Կենտրոն ՀԿ-ի կողմից ձևավորված կոնսորցիումի կողմից՝ «Տվյալներ հաշվետու և թափանցիկ գործունեության համար» (ԴԱՏԱ) ծրագրի շրջանակներում` Եվրասիա համագործակցություն հիմնադրամի և ծրագրի գործընկերների հետ համագործակցությամբ՝ ԱՄՆ Միջազգային զարգացման գործակալության օժանդակությամբ։
