Հայաստանում ստեղծվել է միասնական տեղեկատվական հարթակ՝ 5 մեդիա կառույցի համագործակցությամբ, որի հիմնական նպատակը Հայաստանի տարբեր կետերից՝ հյուսիսից հարավ, օբյեկտիվ, բազմակողմանի եւ այլընտրանքային տեղեկատվության տրամադրումն է, կարեւորագույն խնդիրների վերհանումն ու դրանց լուծման ճանապարհների փնտրտուքը: Ռեգիոն 5+-ի 5 գործընկերները՝ Երեւանի Ա1+, Լոռու մարզի ՄԻԳ, Արմավիրի մարզի ԱԼՏ, Շիրակի մարզի ԳԱԼԱ հեռուստաընկերությունները և Սյունիքի մարզի Գորիսի Մամուլի ակումբը, յուրաքանչյուր շաբաթ կանդրադառնան իրենց տարածաշրջանում տեղի ունեցող կարեւոր իրադարձություններին՝սահմանային վերջին կետից մինչեւ մարզկենտրոն, տեսանյութերով կներկայացվեն ներքաղաքական, սոցիալ-տնտեսական, անվտանգային եւ այլ կարեւորագույն խնդիրներ, կլինեն բացառիկ տեսանյութեր՝ տեղեկատվական, վերլուծական նյութերով, նոր բացահայտումներով, մարդկային պատմություններով:
