«Աջակցություն ՀՀ քաղաքացիական հասարակության կազմակերպությունների կարողությունների հզորացմանը» ծրագրի (“STRONG CSOs” ծրագիր) փոքր դրամաշնորհային նախագծի շրջանակներում «Գորիսի Մամուլի Ակումբ» և «Իրավունքների Տեղեկատվական Կենտրոն» հասարակական կազմակերպությունների կոնսորցիումի կողմից 2018թ փետրվար-մայիս ամիսներին Սյունիքի մարզի ընդհանուր իրավասության դատարանում իրականացված մոնիտորինգի վերլուծության արդյունքում պատրաստվել է զեկույց։
Վերապատրաստված 21 երիտասարդ մոնիտորներ Սյունիքի մարզի Կապան, Մեղրի, Գորիս, Սիսիան քաղաքներում տեղաբաշխված ընդհանուր իրավասության դատարանի նստավայրերում դիտարկել են 375 դատական նիստ և իրականացրել են ուսումնասիրություն անվճար իրավաբանական օգնության տրամադրման վերաբերյալ։ Հետազոտության իրականացման համար նախապես մշակվել է համապատասխան մեթոդաբանություն, որն իր մեջ ընդգրկել է անվճար իրավաբանական օգնության տրամադրումը կարգավորող և գործող իրավական դաշտի վերլուծություն, Սյունիքի մարզի ընդհանուր իրավասության դատարանում նշանակված դատական նիստերի տվյալների ուսումնասիրություն www.datalex.am կայքի միջոցով, մասնակցություն դատական նիստերին և հատուկ մշակված դիտարկման թերթիկների միջոցով անվճար իրավաբանական օգնության տրամադրման հասանելիության գնահատում, լրագրողական հետազոտություն և հարցազրույցներ փորձագետների, գործող փաստաբանների, դատական գործերում ներգրավված քաղաքացիների հետ ։
Անվճար իրավաբանական օգնության տրամադրման արդյունավետության և մատչելիության հիմնախնդիրը դեռևս առկա է Հայաստանում, ինչը հիմք է հանդիսացել մեկ անգամ ևս բարձրաձայնել խնդիրը տվյալ զեկույցի միջոցով։
Զեկույցը պատրաստվել է «Ես իրավունք ունեմ պաշտպան ունենալու» ծրագրի շրջանակներում, որն իրականացվել է ԵՄ կողմից ֆինանսավորվող «Աջակցություն ՀՀ քաղաքացիական հասարակության կազմակերպությունների կարողությունների հզորացմանը» ծրագրի (“STRONG CSOs” ծրագիր) փոքր դրամաշնորհային նախագծի շրջանակներում «Գորիսի Մամուլի Ակումբ» և «Իրավունքների Տեղեկատվական Կենտրոն» հասարակական կազմակերպությունների կոնսորցիումի կողմից։
Սույն Զեկույցի բովանդակության համար պատասխանատվություն է կրում միայն «Ես իրավունք ունեմ պաշտպան ունենալու» ծրագիրը, և այն որևէ ձևով չի արտահայտում Եվրոպական միության տեսակետները:
