Տաթև գյուղ այցելելուց առաջին ու հիմնական բանը, որը գալիս է մտքներիս, վանական համալիրն է, վերջին տարիներին` նաև աշխարհի ամենաերկար ճոպանուղին՝ «Տաթևեր»-ը։
Բայց բավական է շրջենք գյուղով, զրույցի բռնվենք, կբացահայտենք կարծրատիպեր կոտրող, տեղում արարող մարդկանց մասին։
-Բարև ձեզ, ես Արմենն եմ, -հանդարտ ձայնով ներկայանալով, դիմավորեց ու ուղեկցեց դեպի գեղատեսիլ Տաթևի իր գողտրիկ անկյուն։
Արմենը՝ Արմեն Հակոբյանն, արդեն 7-8 տարի է, ինչ զբաղվում է տրեխագործությամբ։
Թեև տրեխագործությունը Արմենի համար եկամտի հիմնական աղբյուր չի հանդիսանում, բայց այն փոքր օղակներից է, որով Արմենը ամրացած է գյուղում։
Տարեկան մոտ 15 տրեխի պատվեր ունենում է, հիմնականում արտերկրից։
Նա նաև փոքր հյուրատուն էլ ունի։ Զբոսաշրջիկներին կրկին Տաթև բերելու, տրեխագործության մասին պատմելու համար հետաքրքիր բան էր մտածել․ այն հյուրերը, ովքեր հյուրատանը մեկ օրից ավելի են մնում, տրեխ՝ հուշանվեր են ստանում։ Հաջորդ անգամ նույն տրեխով գալու դեպքում զեղչ է կիրառում կամ այլ անակնկալ պատրաստում։
Տաթևացի երիտասարդը, ով խաղողագործների և գինեգործների հիմնադրամի շահառու է, նաև գինեգործությամբ է զբաղվում։
-Տպավորություն է, որ Սյունիքում խաղողագործությունն ու գինեգործությունը զարգացած չեն։ Ցանկանում եմ էդ կարծրատիպն էլ կոտրել, և երկրորդ տարին է, ինչ զբոսաշրջիկները Տաթև գալու և տեղական գինին համտեսելու հնարավորություն ունեն։
-Շատերին թվում է, թե կյանքը լավա գյուղից դուրս՝ քաղաքում։
Կարծում եմ պետք է ամեն ինչ անել գյուղում մնալու, այն շենացնելու համար։
Նյութն ամբողջությամբ կարդացեք՝ այստեղ։
Հրապարակումը պատրաստվել է Եվրոպական միության ֆինանսական աջակցությամբ՝ «Եվրոպական մեդիահարթակ Հայաստանում. հուսալի և պրոֆեսիոնալ լրատվամիջոցների կառուցում» ծրագրի շրջանակներում։
Բովանդակության համար պատասխանատվություն է կրում Գորիսի մամուլի ակումբը, և պարտադիր չէ, որ այն արտահայտի Եվրոպական միության տեսակետները:
