2023 թվականի սեպտեմբերին տասնյակ մարդիկ Արցախից բռնի տեղահանվելով, ապաստան գտան Հայաստանում, նաև Սյունքիում։ Նրանցից շատերն իրենց ամբողջ կյանքը ստիպված էին ընդամենը մի ճամպրուկում տեղավորել։
Այդ ճամպրուկներում կենսական իրերից բացի յոթ հերոսները վերցրել են ամենահարազատը: Իրեր, որոնք կապվում են ինքնության հետ:
Անգելինա Ղազարյան, 13 տարեկան
Ստեփանակերտից
————————–
-Ստեփանակերտից դուրս գալուց առաջինն իմ պայուսակն եմ վերցրել, որտեղ ձեռքի աշխատանքներս էին։ Ստանոկս/ հաստոցը-հեղ․/ էլ մնաց մանկապատանեկան ստեղծագործական կենտրոնում կիսատ գործած կարպետի հետ։
Անգելինան արդեն 4 տարի է զբաղվում է կարպետագործությամբ․ պատրաստի աշխատանքները կարողացել է իր հետ վերցնել։ Հասցրել է մի շարք աշխատանքներ ստեղծել ու բարեբախտաբար վերցնել նաև իր հետ։ Արցախից բերված իրերը խնամքով, հոգատարությամբ պահվում են աղջնակի պայուսակում․ պայուսակն էլ միշտ իր մահճակալի կողքին տեղ ունի՝ իր աչքի առաջ։ Մտադրություն ունի իր աշխատանքներից վաճառելու, բայց ոչ Արցախից բերվածը․ դրանք անգին են։ Արցախի շունչը Անգելինան փորձում է պահել իր աշխատանքներում՝ առավել շատ օգտագործելով կարմիր, կապույտ և ծիրանագույն գույները։
Ամբողջական նյութին ծանոթացեք այստեղ
Լրագրող
