Վթարվել է Գորիսի թիվ 2 մանկապարտեզի շենքի ջրատար խողովակը: Օրերս տեղեկություն տարածվեց այն մասին, որ Գորիս քաղաքի թիվ 2 մանկապարտեզի ջրամատակարարման խողովակների վնասման պատճառով ջրալցվել է նկուղային հարկը, որի արդյունքում վնասվել է հատակը, պատերը, սպորտային խաղերի համար նախատեսված ներքնակները և գույքը։
Մանկապարտեզի տնօրեն՝ Ժասմենա Խաչատրյանի խոսքով նկուղային հարկն օգտագործվում է որպես մարզասրահ երեխաների համար։ Նա նաև նշում է, որ վթարի վերականգնման համար ներգրավվել էին շատերը, և եթե ջուրը ժամանակին չհեռացվեր, ամբողջ շենքը կվնասվեր։
Հիշեցնենք, որ նախակրթարանի շենքի նկուղային հարկը նվերանորոգվել է 2021 թվականին UNDP-ի և Գորիսի համայնքապետարանի ֆինանսավորմամբ:
Մանե Կարապետյան
