ՀՀ ԿԳՄՍ նախարարության աջակցությամբ աշխարհահռչակ վիրտուոզ ջութակահար Սերգեյ Խաչատրյանը Հայաստանի ազգային ֆիլհարմոնիկ նվագախմբի հետ՝ Էդուարդ Թոփչյանի ղեկավարությամբ մարզային շրջագայության համերգներ է ունեցել Գյումրի, Մեղրի, Կապան քաղաքներում:
Շրջագայությունը եզրափակվեց մայիսի 17-ին` Գորիսի Վաղարշ Վաղարշյանի անվան դրամատիկական թատրոնում կայացած համերգով՝ «ՔոնթուրԳլոբալ Հիդրո Կասկադ» ընկերության աջակցությամբ:
Համերգի ժամանակ հնչեց Արամ Խաչատրյանի Ջութակի կոնցերտը, հատվածներ «Սպարտակ» բալետից և «Դիմակահանդես» դրամայի երաժշտությունից:
Սերգեյ Խաչատրյանի հանգիստ ու նրբագեղ շարժումները հանդիսատեսի մոտ առաջացնում էին հետաքրքրություն, նրանք ունկնդրելով ամեն մի նոտան վայելում էին մեծն կոմպոզիտորի երաժշտությունը՝ սիմֆոնիկ նվագախմբի կատարմամբ:
Դիրիժոր Էդուարդ Թոփչյանի աշխույժ շարժումներն ու նվագախմբի անդամների հետ ջերմ, ընկերական շփումը, ավելի մտերմիկ էին դարձնում մթնոլորտը։
Համերգն ավարտվեց հանդիսատեսի երախտագիտությունն արտահայտող ծափողջյուններով։
AKlfjdalksjfdlkj askljfaskdlfj wqelkfj aaskldfj lqkewjf lkjads fqlekwfj
