Սերոժը Ակներ գյուղի բնակիչ է: Տարիներ շարունակ զբաղվում է գյուղատնտեսությամբ: Նա գյուղի այն քիչ մարդկանցից է, որ չնայած սահմանային անկայությանը շարունակում է թշնամու թիկունքում զբաղվել անասնապահությամբ, անքուն և վտանգավոր գիշերներ անցկացնել սահմանին շատ մոտ, և չի պատրաստվում լքել հայրենի գյուղը ոչ մի պարագայում:
Ակներ գյուղում մթնոլորտն ու մարդիկ վերջին` Սև լճի մոտ տեղի ունեցող իրադարձությունններով պայմանավորված շատ են փոխվել: Դա իհարկե կապվում է անկայուն վիճակի, սահմանին և առհասաակ թշնամուն շատ մոտ գտնվելու հետ: Ակներ գյուղի բնակիչները, ինչպես և Սերոժը մշտապես զբաղվել են գյուղատնտեսությամբ և դաշտային աշխատանքներով, սակայն վերջին դեպքերը ուղղակիորեն ազդել են այս գործընթացների ոչ բնականոն շարունակվելու վրա:
Գյուղացիներից շատերը ստիպված են եղել վաճառել իրենց անասունները, տները և լքել հայրենի բնօրրանը, իսկ Սերոժը իր օրինակով ցույց է տալիս, որ ոչ միայն չի վախենում թշնամուց, այլև պատրաստ է առերես կանգնել թշնամու առջև, որն գործնականում ապացուցում է: Նա գյուղացիներից որոշների հետ տարվա մեծ մասը անց է կացնում Սև լճի մատույցներում, նշում է, որ անձամբ ամեն օր տեսնում է թշնամուն, շատ հաճախ անասունները թշնամին գողանում և տանում է: Չնայած այս ամենին Սերոժը միևնույն է համառորեն իր և իր ընտանիքի կյանքն է կերտում Ակներ գյուղում:
Սերոժը նաև գյուղում առանձնանում է իր մասնագիտությամբ, կարելի է ասել դարբնին հավասար աշխատանք է իրականացնում, որով գյուղում միայն ինքն է զբաղվում:
Սերոժը երիտասարդների բնօրոշմամբ անվախ, հայրենասեր, նվիրյալ և անկոտրում գյուղացու մարմնավորում է:
Լրագրող
