ՀՀ կրթության, գիտության, մշակույթի և սպորտի նախարարության դրամաշնորհային ծրագրի շրջանակներում Գորիսի Վ․Վաղարշյանի անվան պետական դրամատիկական թատրոնը մայիսի 1-7 կմասնակցի Տաջիկստանի մայրաքաղաք Դուշամբեում կայանալիք Մասնագիտական թատրոնների միջազգային փառատոնին՝ Ակսել Բակունցի ստեղծագործությունների հիման վրա բեմադրված «Միրհավ» ներկայացմամբ։
Ծրագրի նպատակն է՝ ժողովուրդների միջև բարեկամության և փոխըմբռնման ամրապնդման, պրոֆեսիոնալ թատրոնների միջև համագործակցության և ստեղծագործական ձեռքբերումների, մշակութային փոխանակման, թատերախմբերի գեղարվեստական նախաձեռնության զարգացման, թատրոններին միջազգային թատերական գործընթացին ինտեգրելու, ժամանակակից թատերական տեխնոլոգիաների փոխանակման, կատարողական մշակույթի բարելավման, պրոֆեսիոնալ հաղորդակցության պայմաններ ստեղծելու և նպաստելու թատերական արվեստի հանրահռչակմանը։
Ծրագրում կներգրավվի թատրոնի ստեղծագործական կազմից հինգ դերասան և երեք սպասարկող։
