«ԳորիսԼԱԲ» համայնքային զարգացման կենտրոն ՀԿ-ն 2025․ օգոստոսից իրականացնում էր «Անապահովության գնահատման նոր համակարգի ներառականության խթանում՝ մասնակցային և հետազոտահեն շահապաշտպանության և մատչելի տեղեկատվության միջոցով» նախագիծը, որի նպատակն էր` անապահովության գնահատման նոր համակարգի ներդրման գործընթացը դարձնել ներառական հաշմանդամություն ունեցող անձանց համար։ Ծրագրի շրջանակներում ուսումնասիրվել է նոր համակարգի ազդեցությունը հաշմանդամություն ունեցող անձանց զբաղվածության հիմնահարցերի վրա, որի հիմքով մշակված առաջարկների փաթեթը ներկայացվել է շահագրգիռ կողմերին՝ քննարկումների և պատմությունների ներկայացման միջոցով։
«ԳորիսԼԱԲ» համայնքային զարգացման կենտրոն ՀԿ-ում տեղի ունեցավ ծրագրի ամփոփիչ միջոցառումը և ներկայացվեց հետազոտական զեկույցի վերջնական տարբերակը, ինչպես նաև ներկայացվեց աղքատության գնահատման համակարգի տեսանելիության բարձրացմանն ուղղված պատրաստված իրազեկման նյութերը: Շահառուների իրազեկվածության բարձրացմանն ուղղված պատրաստվել է բացատրական հոդված, Ինֆոգրաֆիկա, որտեղ ներկայացված է, թե ինչպես և ինչ հերթականությամբ կարող են դառնալ Անապահովության գնահատման նոր համակարգի շահառու։
Պատրաստվել է նաև տեսանյութ և Reel, որտեղ ներկայացվում է Անապահովության նոր կարգի նպատակը, մեթոդոլոգիան, մեխանիզմները։
Հանդիպմանը մասնակցում էին տեղական ինքնակառավարման և քաղհասարակության ներկայացուցիչներ, ինչպես նաև Գորիս համայնքի սոցիալական ծառայությունների մասնակցային պլանավորման և սոցիալական ներառման գործընթացն ապահովող հանձնաժողովի անդամներ, շահառուներ։
———————————
Ծրագիրն իրականացվել է «ԳորիսԼԱԲ» համայնքային զարգացման կենտրոն հասարակական կազմակերպության կողմից՝ «Գործընկերություն հանուն Սյունիքի․ բարելավված համայնքային սոցիալական ծառայություններ» ծրագրի շրջանակում, որը իրականացվում է «Մարդը կարիքի մեջ» ՀԿ-ի կողմից՝ Եվրոպական միության ֆինանսական աջակցությամբ, «Դիմակայուն Սյունիք Թիմ Եվրոպա նախաձեռնության» շրջանակում և «ՎԻՆՆԵԹ Գորիս» զարգացման հիմնադրամի ու «Հայկական Կարիտաս» ՀԿ-ի համագործակցությամբ։
