Տեղ համայնքի Խոզնավար բնակավայրում տեղի ունեցած «Անվտանգությունն ու ժողովրդավարությունը սահմանամերձ համայնքներում ԱԺ ընտրությունների համատեքստում. ինչպես են դրանք ամրապնդում միմյանց» թեմայով քննարկումը նպատակ ուներ հասկանալ, թե ինչպես կարող է ժողովրդավարությունը՝ հատկապես ընտրությունների միջոցով արտահայտվող մասնակցությունը, ուժեղացնել անվտանգությունը, ինչպես նաև՝ ինչպես են ընտրություններն ազդում մարդկանց վստահության, տեղեկատվության և համայնքային դիմակայունության վրա։
Քննարկման մասնակիցները մտահոգություն են հայտնում այն մասին, որ հաճախ սահմանամերձ գյուղի անվտանգային հարցերը շահարկման առարկա են դառնում, ինչպես օրինակ, օրեր առաջ տեղեկատվություն էր տարածվել Խոզնավարում հնչած կրակոցների մասին, որը իրականությանը չէր համապատասխանում։
Դրա կողքին կարծիք է հնչում, որ քաղաքական բավարար ուշադրություն չեն դարձնում իրենց խնդիրներին, անգամ ընտրական գործընթացներում, նշելով, որ իրենք «թիվ-թվաբանություն» չեն ընտրական արդյունքների համար:
Համայնքային խնդիրների մեջ կարևորում են դպրոցների օպտիմալացմանը, նշելով, որ եթե իրենք բավարար հմտություններ ունենային ակտիվ, համախմբված համայնքային խնդիրներ բարձրաձայնեցնելու, ակցիաներ կիրականացնեին գյուղում դպրոց պահելու համար։ Նաև նշում են, որ համախմբավածության հաջողված փորձ, այնուամենայնիվ, ունեն, ինչպես օրինակ Գորիս-Խոզնավար ճանապարհի կառուցումը, որը տարիներ շարունակ եղել է ընտրությունների թեկնածուների շահարկման առաջկա, վերջապես նախորդ տարի այն բարեկարգվել է, անհամեմատ բարելավել տրանսպոտային հաղորդակցությունը։
Ամփոփելով ներկայացված հիմնական խնդիրները՝ սահմանային անվտանգությունը, ականապատ տարածքները, զինպատրաստվածության պակասը և ապաստարանների բացակայությունը, Լևոն Բարսեղյանը ներկայացրեց այն հնարավորություններն ու գործիքները, որոնց միջոցով այս խնդիրների լուծմանը հնարավոր է հասնել ընտրություններին ակտիվ մասնակցության շնորհիվ։
***
Այս հրապարակումը պատրաստվել է Ժողովրդավարության զարգացման հիմնադրամի (ԺԶՀ) աջակցությամբ՝ «Գործընկերություն հանուն ժողովրդավարության» ծրագրի շրջանակում: Այս փաստաթղթի բովանդակության համար պատասխանատվությունը կրում է «ԳորիսԼԱԲ» համայնքային զարգացման կենտրոն ՀԿ-ն, և այն ոչ մի դեպքում չի կարող համարվել ԺԶՀ դիրքորոշումը։
