Հայաստանում մեկնարկել է 2026 թվականի հունիսի 7-ին կայանալիք խորհրդարանական ընտրությունների քարոզարշավը։ Քաղաքացիական պայմանագիր կուսակցությունը մայիսի 8-ին իր քարոզարշավը սկսել է Սյունիքի մարզից՝ այցելություններ կատարելով մարզի տարբեր բնակավայրեր։
Գորիս քաղաքում տեղի ունեցած հանդիպման ընթացքում ներկայացվել է կուսակցության նախընտրական ծրագիրը։ Հանդիպման ժամանակ նշվել է, որ 2021 թվականի ընտրություններից հետո Քաղաքացիական պայմանագիր կուսակցությանը հաջողվել է Հայաստանը տանել դեպի խաղաղության օրակարգ, և այդ տարիների կարևորագույն ձեռքբերումներից մեկը հենց դա է համարվում։
Քարոզարշավի ընթացքում անդրադարձ է կատարվել նաև Սյունիքի մարզի անվտանգության վերաբերյալ տարիներ շարունակ հնչող մտահոգություններին՝ ընդգծելով, որ մարզն այսօր անվտանգ է, և անվտանգության հետ կապված այս պահին խնդիրներ չկան և այդ ամբողջ հարցերը փակվել և լուծվել են 2025 թվականի օգոստոսի 8-ի՝ Հայաստանի և Ադրբեջանի միջև կնքված խաղաղության պայամանագրով։ Եվ այսօրվա Հայաստանի Հանրապետության տարածքը ճշգրիտ ձևով համապատասխանում է Խորհրդային Հայաստանի տարածքային սահմաններին։
Քարոզարշավի ընթացքում նշվել է նաև, որ առաջիկա կարևոր հարցերից մեկը տարածաշրջանային ճանապարհների բացումն է։ Մասնավորապես անդրադարձ է կատարվել «ԹՐԻՓՓ»-ին, շեշտելով, որ ճանապարհների բացումից հետո Սյունիքի մարզը պատրաստ է օգտվել այդ հնարավորությունից՝ այն վերածելով տնտեսական զարգացման, առևտրային ակտիվության և տարածաշրջանային համագործակցության կարևոր կետի։
