Շարունակվում է 2026 թվականի հունիսի 7-ին կայանալիք խորհրդարանական ընտրությունների քարոզարշավը։ Այս համատեքստում «Բարգավաճ Հայաստան» կուսակցությունը նախագահ Գագիկ Ծառուկյանի գլխավորությամբ, այցելել է Սյունիքի մարզ՝ տեղի բնակիչներին ներկայացնելու կուսակցության նախընտրական ծրագիրն ու ռազմավարական առաջնահերթությունները։
ԲՀԿ ներկայացրած նախընտրական ծրագրի հիմքում ընկած են սոցիալական վիճակի բարելավումը, տնտեսության զարգացումն ու աշխատատեղերի ստեղծումը։ Կուսակցությունն առանձնահատուկ կարևորում է մարզերի համաչափ զարգացման թեման՝ նպատակ ունենալով կրճատել մայրաքաղաքի և ռեգիոնների միջև առկա տնտեսական անդունդը։
Ծրագրային դրույթներում մեծ տեղ է հատկացված. փոքր և միջին բիզնեսին. նախատեսվում է ցուցաբերել նպատակային պետական աջակցություն։ Գյուղատնտեսության ոլորտում առաջարկվում է վարկային և տեխնիակական աջացություն։ Առաջարկվում է ներում կիրառել մինչև երեք միլիոն դրամ վարկային տույժ-տուգանք ունեցող քաղաքացիների նկատմամբ։
Ծրագրով շեշտադրվում է երիտասարդների զբաղվածության խթանումը հատկապես մարզերում։ Անդրադարձ է կատարվել Սյունիքի համար կենսական նշանակություն ունեցող հանքարդյունաբերության ոլորտին։ ԲՀԿ-ն առաջարկում է ներդնել մշակման նոր սխեմաներ, ընդլայնել արտադրությունը և ստեղծել նոր աշխատատեղեր՝ ապահովելով էկոլոգիական և տնտեսական արդյունավետություն։
Միաժամանակ, կուսակցությունն ընդգծում է կենսաթոշակների ու նպաստների բարձրացման, առողջապահական ծառայությունների հասանելիության մեծացման և կրթական համակարգի արմատական բարեփոխման անհրաժեշտությունը։
