Վերջին շրջանում Ռուսաստանը սահմանափակել էր Հայաստանից ծաղիկների ներմուծումը՝ հայտարարելով դրանցում հաճախակի հայտնաբերվող կարանտինային հիվանդությունների մասին։ ՌԴ-ի կիրառած սահմանափակումները դժգոհություն են առաջացրել ծաղկի արտահանմամբ զբաղվող տնտեսվարողների մոտ, քանի որ շուկայում առաջացել է ծաղկի ավելցուկ, ինչն էլ հանգեցրել է գների զգալի նվազման։
mediapoint-ը զրուցել է քաղաքացիների հետ պարզելու, թե ինչպես են վերաբերում խնդրին։ Ոմանք նշում են, որ դրական են գնահատում գնի իջեցումը, քանի որ այժմ կարողանում են մատչելի գնով ծաղիկներ գնել։
Զրուցել ենք նաև Գորիսում ծաղկի վաճառքով զբաղվող տնտեսվարողների հետ․Նրանք ևս հաստատեցին, որ աճել է գնորդների թիվը, սակայն այն փաստը, որ ծաղիկները վաճառվում են ինքնարժեքից ցածր գնով, իրականությանը չի համապատասխանում։
Ծաղկավաճառները նաև նշում են, որ չեն կարծում, թե ծաղիկ արտադրող տնտեսվարողներն իրացման խնդիր ունեն, ըստ նրանց, արտահանման ծախսի տարբերությունը կարող է էական ազդեցություն ունենալ գնի վրա, և ավելի մատչելի կվաճառվի երկրի ներսում։
