Մարիամ Մաթևոսյան
Այսօր Սյունիքի մարզի Շինուհայր, Տաթև, Հալիձորի, Հարժիս, Սվարանց, Խոտ, Տանձատափ, Քաշուն համայնքները միավորելու նպատակով նշանակվել է տեղական հանրաքվե, որտեղ դրվել հետևյալ հարցը. «Համաձա՞յն եք, որպեսզի Շինուհայրի, Տաթևի, Հալիձորի, Հարժիսի, Սվարանցի, Խոտի, Տանձատափի, Քաշունիի համայնքները միավորվեն, Տաթևի համայնք անվանմամբ, Շինուհայրի համայնքի կենտրոնով, Շինուհայր, Տաթև, Հալիձոր, Հարժիս, Սվարանց, Խոտ, Տանձատափ, Քաշունի բնակավայրով»:
Այսօր տանձատափցիները ևս իրենց «կողմ» կամ «դեմ» դիրքորոշումն են արտահայտում համայնքերի խոշորացման մասին: Ժամը 12:00-ի դրությամբ 64 ընտրողներից 37/1 ընտրատեղամաս է ներկայացել 24-ը:Հանձնաժողովի նախագահ Միհրան Միրումյանի խոսքով` ընտրություններն անցնում են հանգիստ, առանց որեւէ միջադեպի:
« Գյուղերը գնում են դատարկման, անգամ խոշորացումը չի կարող փրկել»,-ասում է տանձատափցի Միշա Համբարձումյանը:
Համագյուղացու հետ համակարծիք չէ համայնքի ղեկավար Ռոբերտ Մուշեղյանը. «Ես պաշտոն կորցնելով կողմ եմ խոշորացմանը, գյուղացին դե՞մ կլինի»,-ասում է նա ու ավելացնում, որ առաջիկայում ներդրումների շնորհիվ գյուղի շատ հիմնախնդիրներ լուծում կստանան:
hetq.am
