2020 թվականի ՀՀ պետական բյուջեի միջոցներով հիմնովին կնորոգվի և կվերակառուցվի նաև Սյունիքի մարզի Հարժիսի դպրոցի շենքը: Այս մասին Ազգային ժողովում գալիք տարվա բյուջեի քննարկման ժամանակ տեղեկացրել է կրթության, գիտության, մշակույթի և սպորտի նախարար Արայիկ Հարությունյանը: Սյունիքի մարզում կվերանորոգվեն նաև Սիսիանի տարածաշրջանի Դարբասի և մարզկենտրոն Կապանի թիվ 4 դպրոցները։ Հիշեցնենք, որ այժմ հիմնովին վերանորոգման աշխատանքներ են իրականացվում Գորիսի Ակ․Բակունցի անվան ավագ և Կապանի թիվ 7 դպրոցների շենքերում: Վերջինս, նախատեսվում է, որ կշահագործվի այս տարվա վերջին:
