Հուլիսի 2-ի դրությամբ Գորիսում կորոնավիրուսով վարակվածների թիվն ավելացել է ևս 4-ով. այս մասին mediapoint.am –ին տեղեկացնում են Գորիսի բժշկական կենտրոնից։ Վերջին օրերին կատարված թեստերից չորս դրական արդյունք է արձանագրվել։
-Ունենք 15 հաստատված դեպք, որոնցից 5-ը ստացիոնար բուժում է ստանում Կապանի և Երևանի բժշկական կենտրոններում, 10-ը՝ տնային պայմաններում։ Բացի այդ, կա նաև մեկուսացված 107 անձ,-նշում է Գորիսի ԲԿ փոխտնօրեն Լևոն Հարությունյանը։
Ամենավերջին վարակակիրներից մեկը Վերիշեն բնակավայրի բնակիչ է, վարակման օջախը կապված է «Այ Մեղու» մանկական ուսումնական կենտրոնի հետ։ Մյուսը Գորիս քաղաքի բնակիչ է։ Նրա վարակի աղբյուրն ու շփման շրջանակը դեռևս պարզվում է։
Ըստ Առողջապահության նախարարության սահմանած ուղեցույցի, միջին ծանրության, 60 տարեկանից բարձր և ուղեկցող հիվանդություններ ունեցող անձինք բուժում ստանալու նպատակով տեղափոխվում են բժշկական կենտրոններ, իսկասիմպտոմ, մինչև 60 տարեկան, և այլ ուղեկցող հիվանդություններ չունեցող անձինք ինքնամեկուսանում են տանը։
Տեղ և Տաթև համայնքներում նոր դեպքեր չեն արձանագրվել։
Սեփ․լրատվություն
