2019թվականի աշնանից սկսած, Գորիսի մամուլի ակումբը «Զբոսաշրջության զարգացումը անգլերենի իմացության և մեդիագրագիտության բարելավման միջոցով» ծրագրի շրջանակներում զբոսաշրջային ենթակառուցվածքների աշխատողների համար կազմակերպել է անգլերենի անվճար դասընթացներ, զարգացրել օնլայն ռեսուրսների կառավարման, սոցցանցերի արդյունավետ օգտագործման, էլեկտրոնային հաղորդակցության հմտությունների զարգացման հմտություններ:
Նախագծի շրջանակում հրատարակվել է հանրամատչելի գրքույկ՝ «Անգլերեն՝ առանց բառարանի», որտեղ տեղ են գտել հայերեն-անգլերեն առօրեական բառապաշարի ամենակիրառական, առավել հաճախ օգտագործվող արտահայտություններ, բառակապակցություններ, որոնք հեշտությամբ հաղորդակցվելու հնարավորություն կընձեռեն։
Մեր նպատակն է` աջակցել զբոսաշրջության զարգացմանը, ակնկալելով, որ կավելանա զբոսաշրջիկների թիվը, լրացուցիչ ծառայությունների հնարավորություններ կբացվեն՝ նոր աշխատատեղեր ստեղծելու, եկամուտներ ապահովելու, համայնքի զարգացման գործում ներդրումներ կատարելու համար։
Covid 19-ի պատճառով այս տարի զբոսաշրջության զարգացման տեմպերը դանդաղել են, բայց մենք վստահ ենք, որ համընդհանուր ջանքերի շնորհիվ այն վերստին կշարունակի ընդլանվել, և այս բառարանը կարող է դրան աջակցող միջոցներից մեկը լինել։
«Զբոսաշրջության զարգացումը անգլերենի իմացության և մեդիագրագիտության բարելավման միջոցով» ծրագիրը ֆինանսավորվել է ԱՄՆ պետքարտուղարության Հասարակայնության հետ կապերի գրասենյակի դրամաշնորհի շրջանակներում։
