«Մարդամեջ»-ը երիտասարդկան, սոցիալ-նորարարական ճամբար է, որի նպատակն է նպաստել ՀՀ-ում տեղի ունեցող բարեփոխումների (սոցիալական, տեղական իշխանությունների հզորացման, թափանցիկության և հաշվետվողականության) գործընթացի մասին տեղեկատվության և հանրային մասնակցության բարձրացմանը, այնպիսի խնդիրների վերհանմանը, որոնց լուծումը հնարավոր կլինի տալ օնլայն կամ օֆլայն միջոցներով: Այն մեկտեղ է բերում մարդկանց, գաղափարներ և թվային տեխնոլոգիաներ՝ առցանց սոցիալական նորարարություններ ստեղծելու համար:
Այս տարի թեև այն օնլայն ձևաչափով էր, սակայն ևս անցավ սահուն և հետաքրքիր քննարկումներով, և տևեց վեց օր՝ նախկին եռօրայայի փոխարեն։
Առաջին եռօրյային Մարդամեջը հյուրընկալել էր մշակութային, քաղաքական գոծիչների, լրագրողների և հասարակական գործիչների։ Դե իսկ վերջին օրերին մարզային տասը թիմերն արդեն զբաղված էին իրենց կողմից ներկայացված գաղափարները կյանքի կոչելու նախագծեր մշակելով։ Մրցակցային պայմաններում առաջարկված տասը ծրագրերից աջակցություն կստանան վեցը, որոնց թվում նաև Սյունիք մարզի երիտասարդների կողմից մշակված ծրագիրը։
Նախագիծը կոչվում է «Մարդա մի դումջակ», որի նպատակն է հայկական հեքիաթների, պատմվածնքերի, զրույցների հայտնի հերոսների միջոցով անդրադառնալ մի շարք հարցերի, ինչպիսիք են՝ Fake news, մարդու իրավունքներ։ Ծրագրի շրջանակներում նախատեսվում է սթրիթ արթեր Սիսիան, Գորիս քաղաքների, Հարժիս գյուղի շենք շինությունների վրա՝ հենց ստեղծագործությունների հերոսների պատկերմամբ։ Այսինքն երիտասարդները փորձելու են հինն ու ազգայինը ներկայացնել նոր մոտեցմամբ, երիտասարդների և հանրության շրջանում ապահովել իրավագիտակցության մակարդակի բարձրացում։
#Մարդամեջ2020-ը հնարավոր է դարձել USAID Armenia-ի աջակցության շնորհիվ և իրականացվում է Eurasia Partnership Foundation-Armenia–ի, Media Initiatives Center-ի և Համայնքների ֆինանսիստների միավորում / Communities Finance Officers Assn.-ի կողմից։
