«Մեզ միայն պաշտպան է պետք». Կոռնիձորցիներն ինքնակազմակերպվում են

Քաշաթաղի (Լաչինի) շրջանի՝ Ադրեջանի վերահսկողության տակ անցնելուց հետո Սյունիքի մարզի Տեղ համայնքի Կոռնիձոր բնակավայրն այժմ արդեն շուրջ 18կմ սահման ունի Ադրբեջանի հետ։

Կոռնիձորի ջոկատը միշտ է աչքի ընկել իր մղած մարտերով ու հաջողություններով բոլոր երեք՝ 90-ականների, քառօրյա ու ներկայիս պատերազմներում։ Բայց այս պատերազմը, գյուղացիների խոսքով, դեռ չի ավարտվել, դեռ լսելու ենք այն ամենի մասին, ինչ եղել է տարիներ շարունակ։

Արցախյան 44-օրյա պատերազմի հետևանքով իրենց գյուղում ստեղծված նոր իրողությունների մասին խոսելով՝ Վրեժ Կարապետյանը հիշում է, որ դեռևս առաջին պատերազմից անձամբ զգացել է արհավիրքի ողջ ծավալը։
«7 տարեկան երեխա էի․ ինձ ու պապիս գերի էին վերցրել և պահեցին այնքան, մինչև իրենց պահանջած թուրք գերուն գտան ու փոխանակեցին։ 7 օր մնացինք ադրբեջանական գյուղում»,- պատմում է Վրեժը։ Հոկտեմբերի 15-ից կամավորագրվել է և համագյուղացիների հետ Կոռնիձորի սահմանն է պահում՝ Հայաստանի սահմանի իր բաժինը։

Ավելի մանրամասն՝ այստեղ

Անահիտ Բաղդասարյան

Լրագրող