2021թվականի հոկտեմբերին Գորիսում համամասնական ընտրակարգով տեղի ունեցած տեղական ինքնակառավարման մարմինների ընտրություններից հետո նախադեպը չունեցող իրավիճակ է ստեղծվել համայնքում։ Քվեարկության արդյունքներով, մասնակիցների 60 տոկոս ձայնով, Գորիս համայնքի ղեկավար է ընտրվել գործող համայնքի ղեկավար Առուշ Առուշանյանը, ով թե՛ քարոզչության, և թե՛ քվեարակության ընթացքում գտնվել է անազատության մեջ։ Նա կալանավորվել է Ազգային ժողովի ընտրություններում իր դաշինքի օգտին ցանկալի արդյունք արձանագրելու համար երկու և ավելի ընտրողի կաշառք տալու մեղադրանքով։ Թե ինչպես է տեղի ունենում տեղական ինքնակառավարումը Գորիս համայնքում, որի ղեկավարը արդեն 6 ամիս է անազատության մեջ է, ծանոթանանք մեր գործընկերների պատրաստած տեսանյութից։
