այս մասին ավագանու հերթական նիստում տեղեկացրեց համայնքի ղեկավարի տեղակալ Իրինա Յոլյանը։ Ավագանու քվեարկությամբ որոշում կայացվեց հավանություն տալ ներկայացված ծրագրերին, որոնք հիմնականում վերաբերում են Գորիս քաղաքի փողոցների բարեկարգմանը, կրթական հաստատությունների կապիտալ նորոգմանը։
Ավագանու օրակարգային մեկ այլ հարց վերաբերում էր Ներքին Խնձորեսկ բնակավայրում գտնվող 0,7հա հողատարածքն անհատույց սեփականության իրավունքով «Հայաստան» համահայկական հիմնադրամին օտարմանը։ Հիմնադրամի և «Ջոն և Հասմիկ Մկրտիչյան» միջև կնքված «Սյունիքի մարզի Գորիսի տարածաշրջանի Ներքին Խնձորեսկ բնակավայրում բնակելի տների կառուցման ծրագրի համատեղ իրականացման մասին» հանաձայնագրի շրջանակում նախատեսում է այդ տարածում կառուցել վեց բնակարան, որոնցից չորսը կհատկացվի Արցախից տեղահանված, իսկ երկուսը՝ գյուղում բնակվող սոցիալապես անապահով և բնակարանային բարելավման կարիք ունեցող ընտանիքների։
Համայնքի ավագանու թիվ 13 նիստում որոշում կայացվեց նաև բաց դասական աճուրդով օտարել Գորիս համայնքի սեփականություն հանդիսացող մոտ մեկ հա տարածքով երեք հողամաս։
Ավագանին հավանություն տվեց նաև Վերիշենի նախակրթարանի աշխատակիցների հաստիքացուցակի փոփոխության մասին առաջարկին։
Օրակարգի վերջին հարցով որոշում կայացվեց ավագանու հաջորդ նիստը հրավիրել ընթացիկ տարվա 26-ին, ժ 15-ին։
Սեփական լրատվություն
