Շուշան Օհանյան
Գորիսի մամուլի ակումբն այսօր ահազանգ է ստացել այն մասին, որ Գորիսի Նոր Վանքի տափ թաղամասում, արդեն օրեր է, ինչ սատկած ու վիրավորված շներ են ընկած, ու չնայած բնակիչները բազմիցս դիմել են «Գորիս ՏՆՏ» ՓԲԸ-ին, որ խնդրին լուծում տան, սակայն չեն արձագանքել, խնդիրը չի լուծվել:
Շներից մեկը մոտ մի ամիս է ընկած է ճանապարհի բանուկ հատվածում, իսկ երկու շուն՝ բնակելի շենքի հենց մուտքի մոտ՝ վիրավոր, կարելի է ասել՝ «հոգեւարքի մեջ»:
Բնակիչները նշում են, որ դիմել են կոմունալ բաժին՝ խնդրելով, որ լուծեն հարցը. ամբողջ թաղամասը լցված է շներով: Եվ, եթե որևէ կերպ հանդուրժում են թափառող շներին, բայց վիրավոր, վերքերով շունը, ըստ նրանց վտանգավոր է, քանի որ թաղամասում երեխաներ կան, ծնողները վախենում ենվ նրանց բակ թողնել, որովհետև տեսարանը երեխաների համար սթրեսի պատճառ կարող է լիել:
