Քրիստինե Հայրապետյան
Փետրվարի 19-ին Գորիսի մամուլի ակումբում տեղի ունեցավ «SS ոլորտի արդի խնդիրներն ու զարգացման հեռանկարները Սյունքիում» թեմայով հանդիպում, որի ընթացքում «Ինստիգեյթ» ընկերության հիմնադիր, ֆիզմաթ գիտությունների թեկնածու Վահագն Պողոսյանը քննարկեց ավագ դպրոցներում SS կրթական ծրագրի ներդրման հայեցակարգը: Նախագիծը ենթադրում է Հայաստանի միջնակարգ և ավագ դպրոցներում դպրոցներում ստեղծել գիտակրթական լաբորատորիաներ, որոնց համալրվածությունը կարող են ապահովել 6-9 –րդ դասարանների, ինչպես նաև ավելի բարձր`10-12 դասարանների աշակերտների ուսուցումը ռոբոտատեխնիկայի և ծրագրավորման ոլորտներում:
Հայաստանի շուրջ 44 դպրոցներում ստեղծվել են ռոբոտաշինության լաբորատորիաներ, Կապանում ևս սկսել են Նաիրի լաբորատորիայի դասընթացները, որի նպատակն է միջնակարգ դպրոցներում հետաքրքրություն առաջացնել այս ոլորտի նկատմամբ և ավագ դպրոցներում էլ այն գործիք դարձնել, որպեսզի դպրոցում մասնագիտանան նաև տեխնիկական ոլորտում, և ինչպես նշեց Վ. Պողոսյանը, մշակված նախագծի` «Նաիրի» լաբորատորիայի շնորհիվ հնարավոր է պատրաստել գիտաշխատողներ, ովքեր պատրաստ կլինեն իրենց կազմակերպությունում աշխատել և սովորել պատանի տարիքից:
Ինստիգեյթի գործունեության հիմնական ուղղություններն են համակարգային մակարդակում էլեկտրոնային համակարգերի նախագծումը, ծավալուն զուգահեռ ալգորիթմերի մշակումը, կատարելագործումը, փորձարկումը, համակարգի սարքավորումների և ծրագրային ապահովման վերակազմավորումն ու համատեղ նախագծումը, ռեզիստորա-տրանզիստորային տրամաբանական սխեմաների ծրագրավորումը, շարժական և ներդրված սարքերի ծրագրային ապահովումը։
2012թ. Ինստիգեյթը մասնաճյուղ ունի նաև Գորիսում, որտեղ աշխատում է 24 երիտասարդ, ինչպես նաև կազմակերպվում են ուսումնական դասընթացներ:
Վ. Պողոսյանը նշեց նաև, որ ընկերությունը մեխանիզմներ է մշակում և նախնական համաձայնություն ունի Գորիսի և Ստեփանակերտի պետական համալսարանների հետ, որպեսզի ավագ դպրոցներում ծրագիր անցած աշակերտները, ինչպես նաև նրանք, ովքեր կցանկանան քննություն հանձնել, կուսուցանվի կոնկրետ մասնագիտական դասընթաց, և 1-2 տարվա ուսուցումից հետո ուսանողներին կտրվի դիպլոմ: Վ. Պողոսյանի խոսքով`դասընթացները կսկվեն սեպտեմբերին, սակայն մինչ այդ, ամռանը կկազմակերվի անվճար, նախապատրաստական դասընթաց, հաջողությամբ ավարտական քննություններ հանձնողերին հնարավորություն կտրվի աշխատանքի անցնել Ինստիգեյթում:
