Մարիամ Մաթևոսյան
Մարտի 9-ին Մեղրու տարածաշրջանի Լեհվազ գյուղում ևս տեղական ինքնակառավարման մարմինների ընտրություններ են անցկացվում: Ի սկզբանե համայնքի ղեկավարի ընտրությանն իրենց թեկնածությունն են առաջադրել գործող գյուղապետ, ՀՀԿ անդամ Սուրեն Այվազյանը և անկուսակցական Ռոմիկ Պողոսյանը, բայց ավելի ուշ անկուսակցական թեկնածուն ինքնաբացարկ է հայտնել:
Նշենք, որ միաժամանակ Լեհվազում անցկացվում են նաև ավագանու ընտրություններ: Հանձնաժողովի նախագահ Օկսաննա Ջալալյանի խոսքով` ընտրություններն անցնում են խաղաղ պայմաններում: Ժամը 13:00-ի դրությամբ 462 ընտրողներից տեղամաս է ներկայացել 120 ընտրող: Հանձնաժողովի տեղամասի նախագահի խոսքով` այս ընթացքում ընտրախախտումներ չեն արձանագրվել, միայն անվավեր է ճանաչվել մեկ ընտրաթերթիկ:«Պատճառն այն է, որ թեկնածուն մեկն է, իսկ մարդիկ սովոր են, որ անմիջապես դիմացը քվարկեն, իսկ հիմա պետք է նշեն կողմ եմ կամ դեմ: Ընտրողը սխալմամբ գրիչով գրել է համաձայն եմ: Մենք անվավեր ճանաչեցինք և երկրորդ թերթիկը տրամադրեցինք»,- նշում է Օ. Ջալալյանը:
hetq.am
