Լեհվազում ևս մեկ ընտրաթերթիկ է անվավեր ճանաչվել

Մարիամ Մաթևոսյան
Լեհվազում շարունակում են համայնքի ղեկավար և ավագանի ընտրել: Գյուղի մշակույթի տան շենքում տեղակայված թիվ 38/1 ընտրատեղամասում ժամը 17:20-ի դրությամբ՝ ընտրատեղմաս է ներկայացել 462 ընտրողից 268-ը, որը կազմում է ընտրողների 56-60%: Ընտրազանգվածի մնացած հատվածը կարող է իր մասնակցությունն ունենալ տեղական ինքնակառավարման մարմինների ընտրությանը առաջիկա կես ժամվա ընթացքում:

Հանձնաժողովի նախագահ Օկսաննա Ջալալյանի խոսքով՝ մարդկանց հոսքը թեև գնալով պասիվանում է, բայց համայնքի ղեկավարի ընտրությունը շարունակվում է: Այս ժամանակահատվածում հանձնաժողովը ստիպված է եղել ևս մեկ ընտրաթերթիկ անվավեր ճանաչել,  բայց այս անգամ արդեն ավագանու ընտրաթերթիկ. «Բնակիչն ավագանիներից մեկի անվան դիմաց «պտիչկայի» փոխարեն թողել է իր ստորագրությունը, այս անգամ ևս այն անվավեր է ճանաչվել և փոխարինվել նորով»,-նշում է Լեհվազ համայնքի ՏԻՄ ընտրությունների հանձնաժողովի նախագահը:
hetq.am