Մարիամ Մաթևոսյան
Հունիսի 8-ին կայանալիք Գորիսի քաղաքապետի ընտրություններից առաջ, օրենքով նախատեսված ժամանակահատվածում` մինչև ապրիլի 29-ը, քաղաքի բոլոր 9 տեղամասերում արդեն փակցվել են նախնական ընտրացուցակները:
Գորիսի համայնքային իշխանության աշխատակազմի քարտուղար Գագիկ Հայրապետյանը gorispress. am-ին տեղեկացրեց, որ լիազոր մարմինը` Գորիսի անձնագրային բաժնի կողմից ճշտումներ կատարելուց հետո, մայիսի 6-ից սկսած բոլոր ընտարտեղամասերում կփակցվեն վերջնական ընտրացուցակները:2013թ.նախագահական ընտրություններին Գորիսում ընտրելու իրավունք է ունեցել 16430 մարդ, այժմ նախնակական տվյալներով ընտրացուցակներում ընտրողների թիվը նվազել է, հասնելով` 16004-ի:
Ըստ Գ. Հայրապետյանի, վերջնական տվյալներով հնարավոր է ընտրողների թվի փոփոխություն: Նրա խոսքով` ենթադրվում է, որ ընտրողների թիվը կավելանա:
