Մամուլի ակումբը սկսում է «Մարդիկ» հանդիպումների շարք, որի ընթացքում կներկայացնենք տարբեր զբաղմունք, հետաքրքրություններ ունեցող մարդկանց, ովքեր կպատմեն իրենց կյանքի՝ իրենց կարծիքով ամենակարևոր պատմությունը, կանդրադառնան հանրային հետաքրքրություն ունեցող խնդիրների, կխոսեն իրենց հաջողությունների մասին:Դիսնեյ Ինտերակտիվի Որակի ապահովման և Ինժեներական բաժնի ղեկավար / Director of QA & QE-Live Services | Disney Interactive/ Մարիետտա Փաշայանը Հայաստանում է ծնվել. 90-ականերին ընտանիքի հետ մեկնել է Ամերիկայի միացյալ նահանգներ: «Երբ գնացի, ընդամենը տեխնիկում էի ավարտել, անգլերեն չգիտեի, չունեի մասնագիտություն, և երկու փոքրիկներիս հետ ստիպված էի բազմաթիվ դժվարություններ հաղթահարել, որպեսզի կարողանայի ոչ միայն կրթություն ստանալ, այլև աշխատանք գտնել»,- պատմում է նա:
Տարիների հետ տարբեր դռներ բացվեցին Մարիետտայի առջև, և նպատակասլացությունը, պատասխանատվությունը, աշխատասիրությունը, նրան տարան մինչև հռչակավոր Դիսնեյ, որտեղից նրա շնորհիվ համագործակցության ճանապարհ բացվեց դեպի Հայաստան՝ Ինստիգեյթ ընկերություն:
Տեսանյութը՝ Անահիտ Բաղդասարյանի
