Քրիստինե Հայրապետյան
Ավագանու նիստի քննարկանն էր ներկայացված տեղական բյուջեի 2015թ. եռամսյակային կատարողականը:
Գորիսի քաղաքապետարանի ֆինանանսատնտեսական և եկամուտների հավաքագրման բաժնի պետ Էդիկ Ադունցն իր ելույթում նշեց, որ հարկերը և տուրքերը կատարվել են 42%-ով, տեղական տուքերը՝48%, համայնքի բյուջեով վճարվող տուրքերը՝24, իսկ հողի հարկերը 26% :
Է. Ադունցը նշեց, որ սեփական եկամուտները կազմել են 74 մլն.800 հազար 200 դրամ, սակայն փաստացի կատարվել է 28 մլն, 525 հազար 807 դրամ, այսինքն 38%, դոտացիան կազմել է 356մլն 58 հազար 400 դրամ, սակայն փաստացի ունեցել են 89 մլն 9 հազար 200 դրամ՝25%: Բաժնի պետը նշեց նաև, որ սեփական եկամուտների մեջ արձանագրել են ամենացածր ցուցանիշը 5%, դրանք տեղական վճարներն են , որոնց մեջ մտնում են շինարարության, հողի հատկացման, չափագրման կամ մրցույթների, աճուրդների կազմակերպան վճարները,իսկ ցածր ցուցանիշի ապահովումը պայմանավորված է նրանով, որ այն սեզոնային բնույթ է կրում:Քաղաքապետարանի ֆինանսների բաժնի պետը նշեց նաև, որ ընդհանուր ծախսային մասը պատվիրակված լիազորությունները և ընդհանուրը կազմել է 22%, նախատեսված 25%-ի փոխարեն:
Օրակարգում ընդգրկված մյուս հարցը վերաբերում էր Գորիսի քաղաքապետարանի աշխատակազմի կառուցվածքի, աշխատակիցների թվաքանակի հաստիքացուցակի և պաշտոնային դրույքաչափերի փոփոխություն կատարելուն:
Նիստում ընդգրգկած հարցերը վերաբերում էին նաև հողատարածքի և շինությունների օտարումներին՝ վաճառքի և աճուրդի ձևով: Ավագանու անդամների միաձայն որոշմամբ՝ 16,1քմ մակերեսով հողատարածքը վաճառքի ձևով՝ 1քմ հողի գինը` 810 դրամով օտարվեց Լարիսա Բաղդասարյանին:
Աճուրդային կարգով օտարման էր ներկայացվել նաև Գորիս քաղաքային համայնքի սեփականություն հանդիսացող Անկախության փողոցի թիվ 7/11 հասցեի 122.2 քմ հասարակական շինությունը, որի մեկնարկային գինը սահմանվել է 599000 դրամ և Ավանգարդ փողոցի թիվ 5/1 հասցեի 236.8քմ հասարակական կառուցապատման հողատարածքը, հողատարածքում ամրակայված 166.2քմ մակերեսով հասարակական շինությունը, որը կայացած աճուրդում և կրկնաճուրդում չի վաճառվել:
