Մարիամ Մաթևոսյան
2015թ.-ին Գորիսի մամուլի ակումբ ՀԿ-ն հետևել է համայնքների խոշորացման գործընթացներին. հանդիպումների, բանավեճերի, կլոր-սեղանների, քննարկումների, տպագիր նյութերի և տեսանյութերի միջոցով ներկայացրել հանրության կարծիքը՝ խոշորացման մասին :
Բացի այդ, խոշորացվող համայնքներում /Խոտ, Շինուհայր, Հալիձոր, Տաթև, Սվարանց, Տանձատափ, Քաշունի/ համայնքային խնդիրների մասին լրագրողական նյութեր են պատրաստվել:
Համայնքների խոշորացման իրազեկման ընթացքում կազմակերպվել է բանավեճ, Մեդիա կենտրոնի հետ համագործակցությամբ` կլոր սեղան, որը հեռարձակվել է Live եղանակով:
Պատրաստվել են 30-ից ավելի մուլտիմեդիա նյութեր:Տեղական հանրաքավեի օրը` մայիսի 17-ին նաև դիտորդական առաքելություն է իրականացրել բոլոր տեղամասերում: Շարունակելով ՏԻՄ բարեփոխումների դիտարկումը,Գորիսի մամուլի ակումբը շարունակում է հետևել խոշորացման գործընթացներին: 2016թ. փետրվարի 14-ին Տաթև համայնքում անցկացվող տեղական ինքնակառավարման մարմինների ընտրություններից առաջ ներգրավելով համայնքային ակտիվ խմբերին, ճշտել է Տաթևի համայնքի կենտրոնի հավակնող Շինուհայր գյուղի ընտրացուցակները: Ըստ արդյունքների, գրանցված 1763 ընտրողներից փետրվարի 8-ի դրությամբ 273 հոգի գտնվում է Ռուսաստանի Դաշնությունում, ևս 5 ընտրող` Թուրքիայում, Գերմանիայում, ԱՄՆ-ում: Տեղամասում գտնվող ընտրացուցակներում տեղ է գտել նաև մահացած մեկ մարդու անուն ազգանուն:
