Տաթև համայնքի Խոտ բնակավայրում որոշ մարդիկ չեն թաքցնում, որ համայնքների խոշորացումից ակնկալիք ունեին, կարծում էին, որ դրական փոփոխություններ կլինեն իրենց գյուղում, սակայն ամիսներ անց լավատեսական կանխատեսումները փոխվել են, իրենց կյանքը չի բարելավվել:
Խոտի բնակիչ Նոյեմ Սիմոնյանի խոսքով` իրենց բնակավայրը մի շարք առավելություններ ունի մյուս համայնքների համեմատ, քանի որ գազաֆիկացված է, ապահովված է խմելու և ոռոգման ջրով, կոյուղու համակարգով և սակայն գյուղ տանող ճանապարհը երկար տարիներ է, բարեկարգման կարիք ունի, այդ մասին բազմիցս ահազանգել են տեղական և համայնքային իշխանություններին:
Խոտ բնակավայրի վարչական ղեկավարի` Մարտիրոս Գրիգորյանի խոսքով`ՀՀ Կառավարության հատկացված հրատապ ծրագրով` ընթացիկ տարում կսկսվի ճանապարհի նորոգումը, արդեն իսկ չափագրումներ են կատարվել:
Վարչական ղեկավարի խոսքով`վերջերս նաև ՀՀ Տարածքային կառավարման նախարարության ներկայացուցիչների հետ հանդիպման ժամանակ իրենց կողմից ներկայացվել և քննարկվել են Տաթև համայնքի հիմնախնդիրները և նախատեսվում է, որ յուրաքանչյուր բնակավայրում կիրագործվի մի խոշոր ծրագիր: Նախատեսվում է որ գյուղում ոռոգման ջրի ներքին ցանց կկառուցվի:
