Գորիսի մամուլի ակումբը փնտրում է
ա/ Տեղական ինքնակառավարման մարմինների ծրագրերի համակարգողի
Աշխատանքային պարտականություններ
– Համակարգել Մամուլի ակումբի կողմից իրականացվող ՏԻՄ-ին, ընտրություններին առնչվող ծրագրերը,
– Կապ հաստատել ՏԻՄ-երի, փորձագետների հետ, նրանց հրավիրել մասնակցելու կազմակերպության կողմից իրականացվող համապատասխան նախաձեռնություններին,
– Աշխատանքի ընթացքում մշտապես կապի մեջ լինել համայնքային ակտիվ խմբերի հետ, աջակցել նրանց կողմից իրականացվող քաղաքացիական նախաձեռնություններին, օգնել նրանց` կազմելու ծրագրային և ֆինանսական հաշվետվություններ: Խնդիրների առաջացման դեպքում օգնել լուծել դրանք,– Ակտիվ խմբերի հետ նախաձեռնել միջոցառումներ՝ ուղղված համայնքային խնդիրների հանրայնացմանը, ՏԻՄ բարեփոխումների իրականացմանը,
– Տարածել Մեդիա դպրոցի դասընթացների հայտարարություններ, կազմել մասնակիցների ցուցակներ, թեմաներ,
– Կազմել ՏԻՄ ծրագրերին առնչվող հաշվետվություններ,
– Առաջակել և մշակել կազմակերպության ծրագրերին առնչվող գաղափարներ, աջակցել հայտերի պատրաստման, ծրագրերի ղեկավարման և կառավարման հարցերում,
– Կատարել տվյալ հաստիքի շրջանակում այլ հանձնարարականներ:
Պահանջվող որակավորումներ
– Բարձրագույն կրթություն լրագրության, հաղորդակցության, հումանիտար կամ այլ ոլորտներում,
– Քաղաքացիական հասարակության և միջազգային կազմակերպությունների հետ ՏԻՄ ոլորտում աշխատելու փորձ,
– Ծրագրերի մշակմանը և իրականացմանն առնչվող գիտելիքներ,
– Պատկերացում տեղական ինքնակառավարման ոլորտի բարեփոխումների մասին ,
– Համակարգչային գիտելիքներ, օնլայն հարթակներում աշխատելու հիմնական գիտելիքներ, մեդիագործիքների և ծրագրերի իմացությունը կդիտարկվի որպես առավելություն,
– Անգլերեն և ռուսերեն լեզուներով գրավոր և բանավոր հաղորդակցության հմտությունները կդիտարկվեն որպես առավելություններ,
– Նախաձեռնելու և համայնքային ակտիվ խմբերի հետ աշխատելու կարողություն,
– Տարածաշրջանի համայնքներ այցելելու պատրաստակամություն,
– Կարողությունների զարգացման կրթական ծրագրերի, դասընթացների մասնակցելու հետաքրքրվածություն:
բ/ Սյունիք Ինֆոտան համակարգողի օգնական
Աշխատանքային պարտականություններ
– Աջակցել Սյունիք Ինֆոտան համակարգողին` Ինֆոտանը կազմակերպվող դասընթացների, քննարկումների, ֆիլմերի դիտումների և այլ միջոցառումների կազմակերպման աշխատանքներում,
– Կազմակերպել մեդիա դասընթացներ քաղլրագրողների, հասարակական կազմակերպությունների և այլ թիրախային խմբերի համար, անցկացնել դասընթացի արդյունավետության գնահատում,
– Դասընթացի ժամանակ մշտապես կապի մեջ լինել մասնակիցների հետ, խնդիրների առաջացման դեպքում օգնել լուծել դրանք, նախաձեռնել միջոցառումներ՝ ուղղված թիմի և թիմային աշխատանքի ամրապնդմանը,
– Տարածել դասընթացների հայտարարություններ, կազմել դիմումաձևեր, աջակցել Ինֆոտան համակարգողին դասընթացի նյութերի տպագրության, տարածման հարցում ,
– Ինֆո տան համակարգողի հետ ստեղծել Ինֆո տան հետ առնչվող նյութեր ու փաստաթղթեր, դրանք դասավորել համապատասխան թղթապանակներում, համալրել Ինֆո տան ինֆորմացիոն բազան,
– Աջակցել Ինֆո տան գործունեության մասին հաշվետվությունների կազմմանը,
Կատարել Ինֆո տան համակարգողի այլ հանձնարարականներ՝ կապված ընթացիկ աշխատանքների հետ:
Պահանջվող որակավորումներ
– Բարձրագույն կրթություն լրագրության, հաղորդակցության, հումանիտար կամ այլ ոլորտներում,
– Քաղաքացիական նախաձեռնություններում մասնակցության փորձը կդիտարկվի որպես առավելություն,
– Ծրագրի մշակմանը և իրականացմանն առնչվող գիտելիքներ,
– Պատկերացում հայաստանյան մեդիա դաշտի մասին, լրատվամիջոցների և լրագրողների հետ կապերը կդիտարկվեն որպես առավելություն,
– Համակարգչային, օնլայն հարթակներում աշխատելու հիմնական գիտելիքները, մեդիագործիքների իմացությունը կդիտարկվի որպես առավելություն,
– Հայերեն, ռուսերեն և անգլերեն լեզուներով գրավոր և բանավոր հաղորդակցության հմտություններ,
– Թիմում աշխատելու կարողություն,
– Կարողությունների զարգացման կրթական ծրագրերին, դասընթացներին մասնակցելու պատրաստակամություն:
Դիմելու կարգը
Համապատասխան որակավորում ունեցող հետաքրքրված անձինք կարող են մինչև 2016 թ. oգոստոսի 25-ն իրենց համառոտ կենսագրությունն ու հետաքրքրության նամակն ուղարկել gorispressclub@gmail.com հասցեին` նամակի վերնագրում նշելով , թե որ հաստիքի համար են դիմում:
Ընտրված թեկնածուն իր աշխատանքային պարտականությունները կստանձնի 2016թ. Սեպտեմբերի 1-ից` երկշաբաթյա փորձաշրջանով: Միայն ընտրված թեկնածուները կհրավիրվեն հարցազրույցի:
Հարցերի դեպքում զանգահարել 091013575 կամ 091024677 հեռախոսահամարներով:
