Բաց hասարակության հիմնադրամներ-Հայաստան գրասենյակի աջակցությամբ իրականացվող «Հանրային վերահսկողություն» ծրագրի շրջանակներում Գորիսի մամուլի ակումբի նախաձեռնող խումբը սույն թվականի հունիս-հուլիս ամիսներին իրականացրել է հանրային կարծիքի ուսումնասիրություն՝ «Ինչ առաջարկություններ կան «Գորիս» ՔՀԿ-ի նախկին տարածքը վերակազմակերպելու համար» թեմայով: Բնակիչները հարցմանը մասնակցել են ոչ միայն հարցաթերթիկներով, այլև հնարավորություն են ունեցել մասնակցելու հարցմանը օնլայն:
Հարցմանը մասնակցել է 1423 մարդ, տարիքային շեմը` 18-75 տարեկան: Հարցվողների 38%-ը տեղյակ էր, որ «Գորիս» ՔՀԿ-ն պետք է տեղափոխեն քաղաքից դուրս:
Հարցմանը մասնակցած բնակիչների 38.25%-ը նշել է, որ այդ տարածքում ցանկանում են կառուցվի որևէ գործարան` այսինքն նոր աշխատատեղի հնարավորություն ստեղծվի /պահածոների գործարան կամ կարի, կոշիկի արտադրամաս/:
18%-ը կցանկանար, որ կառուցվեր ժամանցի վայր /զբոսայգի, խաղահրապարակ,առևտրի կենտրոն/: Թե ինչ այլ տարբերակներ են առաջարկել մեր համաքաղաքացիները, ինչպես նաև հարցման այլ մանրամասներին կարող եք ծանոթանալ այստեղ:
Հիշեցնենք, որ 2009թ. հունիսի 26-ին ՀՀ կառավարության՝ Կապանում կայացած արտագնա նիստը ընդունեց որոշում` «Գորիս» քրեակատարողական հիմնարկը Գորիս քաղաքից տեղափոխելու մասին:
