Անահիտ Բաղդասարյան
«Սյունիքի մարզի զարգացման համար նախատեսված ծրագրերի ընդհանուր գումարը կկազմի 55 մլն դոլար , որոնք կվերաբերվեն տարբեր ոլորտներին: Բայց մենք կարևորում ենք զարգացման հետևյան 3 ճյուղերը. hանքարադյունաբերությունը, գյուղատնտեսությունը, անասնապահությունը»,- նախընտրական քարոզարշավի ընթացքում գորիսեցիներին հայտարարեց ՀՀ վարչապետ, Հանրապետական կուսակցության նախագահի առաջին տեղակալ Կարեն Կարապետյանը:
Գորիսի Վ. Վաղարշյանի անվան դրամատիկական թատրոնում տեղի ունեցած հանդիպման ժամանակ Կ. Կարապետյանը ներկայացրեց Հանրապետական կուսակցության նախնընտրական ծրագիրը և պատասխանեց բնակիչների հարցերին: «Ունենք հստակ ձևակերպված ծրագիր, թե յուրաքանչյուր ոլորտում ոնց ենք շարժվելու առաջ, որտեղ բնութագում ենք այն խնդիրները, որոնք, որ դրված են մեր առջև, մեր հիվանդությունները, մեր առավելությունները: Ունենք տեսլական, թե ոնց պիտի առաջ գնանք»,- ասաց վարչապետն ու ավելացրեց, որ կազմվել է 3,2 միլիարդ դոլարի ներդրումային ծրագրեր, որոնցից 840-830 մլն դոլարի ներդրումները կկատարվեն 2017 թվ-ին:
Վարչապետի խոսքով` Սյունիքի մարզի առավելություններից է հարևան Իրանին սահմանակից լինելը: Նա ներկայացրեց, որ Իրանի սահմանին ստեղծվելու է ազատ տնտեսական գոտի, որտեղ մասնավոր սեկտորի ներկայացուցիչները, ովքեր հետաքրքրված են Իրանի հետ համագործակցելու հարցով, կստեղծեն նոր աշխատատեղեր: Իսկ հայ-իրանական համագործակցության արդյունքում նախատեսվում է ստեղծել նաև արտահանման և ներգրման գործերը կարգավորող ըներություն, որը կզբաղվի ապրանքի շուկայի որոնումով:
Անասնապահության և գյուղատնտեսության զարգացման համար , Կարեն Կարապետյանի խոսքով, «ստեղծվել է գյուղատնտեսության զարգացման հիմնադրամ /28-րդ կետ/, որի հիմնական նպատակը ոչ միայն ֆինանսական աջակցությունը կամ սուբսիդավորումը կլինի, այլ աջակցությունը բիզնես ձևավորելու և բիզնեսը կազմակերպելու հարցում»:
