Պատերազմի օրերին Արցախից Գորիսում ապաստանած երիտասարդներից Էրիկն, ով այդ ընթացքում հաճախ լինում էր Մամուլի ակումբի գրասենյակում՝վիդեոմոնտաժ սովորում, Արցախի իր առօրյայից պատմում, այսօր զանգահահարեց արդեն հայրենի Ճարտարից։
Ընտանիքի հետ տանն է, ասում է, որ դպրոցները վերաբացվում են, միակ խնդիրն այն է, որ դեռևս հովհարային անջատումներ են, բայց շուտով էներգամատակարարումը կկարգավորվի։
Էրիկի հետ պայմանավորվել ենք համագործակցության հնարավորություն գտնել, այդ մասին կքննարկենք առաջիկայում, իսկ մինչ այդ, խոստացավ զանգել, պատմել իրենց Ճարտարի մասին։
