2026 թվականի հունվարի մեկից ներդրվել է Առողջության համընդհանուր ապահովագրությունը, որի նպատակն է՝ ապահովել մարդու առողջության պահպանման սահմանադրական իրավունքի արդյունավետ իրականացմանն անհրաժեշտ կազմակերպական կառուցակարգերը, առողջապահական համակարգի կայունությունը, բարելավել բնակչության առողջության և դրա հետ կապված այլ ցուցանիշները, ինչպես նաև նվազեցնել հիվանդացության, մահացության ցուցանիշները, աջակցել սոցիալական համերաշխության միջավայրի ձևավորմանը, նպաստել բնակչության առողջապահական կարիքների բավարարմանը, բարձրացնել բժշկական օգնության և սպասարկման ծառայությունների հասանելիության, այդ թվում` ֆինանսական հասանելիության աստիճանը, բարելավել դրանց որակը: Գորիսի բժշկական կենտրոնում ընթացիկ տարվա հունվարի մեկից մինչև մարտի 22-ը ներառյալ ԱՀԱ-ով գրանցվել է 8588 մարդ։ Ապահովագրության համակարգում առաջին փուլով ներառվել են՝ մինչև 18, առանց ծնողական խնամքի 18-23, առանց ծնողական խնամքի մնացած առկա ուսուցմամբ սովորող մինչև 26 տարեկանները , 65 և ավելի տարիքի քաղաքացիները, հաշմանդամության 1-3-րդ խումբ ունեցող քաղաքացիները, ֆունկցիոնալության խորը, ծանր, միջին սահմանափակում ունեցող անձինք, զոհված զինծառայողների ընտանիքների անդամները և այլն։
