Չնայած Սյունիքի բարդ ռելիեֆի պատճառով ցանկացած շինարարություն կապված է հսկայական դժվարությունների հետ, սակայն արդյունքները խոսուն են․ մարզի ճանապարհային հաղորդակցության ոլորտում վերջին տարիներին իրականացված աշխատանքների մասին զրուցել ենք Սյունիքի մարզպետի խորհրդական Կարեն Բալյանի հետ։
Յոթ տարվա ընթացքում բարեկարգվել է Սյունիքի մարզի շուրջ 595 կմ ճանապարհ, որից համայնք-կառավարություն համաֆինանսավորմամբ միայն սուբվենցիոն ծրագրերով կառուցվել և վերանորոգվել է ավելի քան 153 կմ ճանապարհ, ևս 345 կմ կառուցվել, վերակառուցվել և հիմնանորոգվել է ՀՀ կառավարության՝ Ճանապարհային դեպարտամենտ հիմնադրամի միջոցներով և միջին նորոգմամբ բարեկարգվել է 97 կմ ճանապարհ։
«Սա իսկապես աննախադեպ արդյունք է մարզի ենթակառուցվածքների զարգացման պատմության մեջ», – նշում է Կարեն Բալյանը և ավելացնում, որ «Բարեկարգ ճանապարհը խթանում է տնտեսական ակտիվությունը, գյուղատնտեսության և զբոսաշրջության զարգացումը, կրճատում է տրանսպորտային ծախսերն ու անցանելիության ժամանակը։ Դա մարդու կյանքի որակի բարելավման կարևոր նախապայման է»։
Այս պահին էլ մեծ աշխատանքներ են ընթանում դեպի գյուղեր տանող ճանապարհներին, օրինակ, Սիսիանի տարածաշրջանում դեպի Իշխանասար, առաջիկայում կսկսվեն նաև Շամբի ճանապարհի բարեկարգման աշխատանքները։
Հիշեցնենք, որ սա Սյունիքի վերանորոգված ճանապարհների մասին mediapoint.am-ը պատրաստել է հինգ մուլտիմեդիա նյութ։ Մարզի կենսական ուղիների մասին պատմող մուլտիմեդիա նյութերին կարող եք ծանոթանալ այստեղ․
Ճանապարհ, որը փոխեց սահմանային գյուղի օրը․ Խոզնավար
Պատերազմից հետո փակված ճանապարհը դարձավ Տաթևի նոր շունչը
Ներքին Խնձորեսկ. սահմանին ամուր կպած կյանքը
Մեղրին՝ աշխարհի կիզակետում․ ինչ կտա «Թամփի ուղին» Հայաստանին և ինչից են մտահոգ տեղացիները
Լրագրող
